منذر رياحنة عن شخصية «شوقي» في جعفر العمدة: تركيبة عجيبة والجمهور عايز جزء تاني

تحدث الفنان الأردني منذر رياحنة، عن شخصية «شوقي» التي قدمها في مسلسل جعفر العمدة، معربًا عن سعادته الشديدة بنجاحه.

وبحسب «رياحنة»، في تصريحات تلفزيونية: "الحمد لله حاولنا نقدم حاجة مختلفة، وأنا بشكر كل الجمهور اللي تابع المسلسل، ومحمد سامي ومحمد رمضان، وكل طاقم عمل، وعملنا حاله رمضانية حلوة".

وأضاف: "دايمًا بقول إن فيه حاجات بره النص بره الورق اللي مكتوب، الحاجات اللي ما اتشافتش والمسلسل بيشتغل عليها، ومرحلة الحرمان بتاعت شوقي ما شفنهاش غير مرة واحدة في المسلسل، ومرحلة الصمت، وهي تركيبة غريبة عجيبة، وشوقي الوحيد اللي ما اتكلمش في المسلسل كتير، لأنه شاف العالم كله وهو في السجن، والشخصية كانت غريبة، وفي البدايات هو صاحب الفعل والعداوة في المسلسل".

واختتم منذر رياحنة حديثه في الشأن معلقًا على ردود أفعال الجمهور، قائلًا: "ردود الأفعال في العالم كله، والناس لسه عايشة مع المسلسل، وناس بتقترح مواضيع ليها علاقة بجزء ثاني، والحلو فيه إن الجمهور دخل جوه الحدوتة، وحسه إنهم جزء منها، وده ذكاء محمد سامي، والبطل اللي قدامك عارف السر ونفسه يقول له اعمل كدا".

ويضم العمل مجموعة كبيرة من أبرز الفنانين ومنهم، محمد رمضان، أحمد داش، منة فضالي، إيمان العاصي، هالة صدقي، منذر رياحنه، وآخرين.