شكرا على كل الحب والدعم.. مدير أعمال شيرين يكشف حالتها الصحية بعد سقوطها على المسرح

تصدرت النجمة شرين عبدالوهاب تريند مواقع البحث وذلك عقب تعرضها للسقوط خلال حفلها في أمس بدبي .

ومن جهة أخرى كتب إيهاب صالح مدير أعمال شيرين عبر حسابه على تويتر: جمهور شيرين أنا دايمًا عارف أنكم سند وضهر ليها بس عمري ما كنت أتخيل أنكم بالحجم والعظمة دي بجد ما شاء الله عايز أطمنكم إن شيرين بخير وخرجت من المستشفى بعد شوية فحوصات وإشاعات على رجليها بعد ما تحاملت على نفسها عشان تكمل الحفل بنجاح شكرًا بجد على كل الحب والدعم ده.

وأضاف مدير أعمال شيرين في تغريدة أخرى: شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة.

وتابع : أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله ومش هنهدى بأي شكل عشان شيرين عندها طاقة وحماس ملهمش آخر ووعد مني إن شاء الله نعوضكم.

واختتم مدير أعمال شيرين عبد الوهاب حديثه قائلًا: آخر وأهم حاجة هي للناس اللي بتجرح بالكلام وحديث عن النبي محمد صلى الله عليه وسلم: “لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه”.