غرس ”مطواة” برأسها.. فتاة تستغيث بعد اعتداء شاب عليها: ”مصابة بـ 24 غرزة”

استغاثت فتاة تدعى "ف"، بالأجهزة الأمنية والنيابة العامة، بعد تعرضها لاعتداء وتشويه بسلاح أبيض، على يد شاب كانت على علاقة عاطفية به.

وقالت الفتاة في منشور عبر حسابها الشخصي بموقع التواصل الاجتماعي «إنستجرام»: «أنا إمبارح أصعب يوم مر عليا كنت مرتبطة بواحد وانفصلنا من شهر وكان بيحاول يرجعني واتكلم مع والدي في التليفون أنه يكون في حاجة رسمي وبابايا رفضو علشان شايفه مش مناسب ليا وأنه أنا لسه صغيرة، وبعدها كلمني في التليفون وشتمني أنا وأهلي وقفلنا».

وأضافت: «نزلت اتسحر مع أصحابي وكنت مروحة أنا وصاحبتي وزنق علينا بالعربية ونزل فتح الباب راح مطلع مطواة من جيبه وغرزها في دماغي وماسكتش وقام غرزها في رجلي وأغمى عليا وودوني على المستشفى وخيطت 24 غرزة وعملت محضر وهو هربان لحد دلوقتي، أنا مش عاوزة غير حقي وخلو بالكم يا جماعة من نفسكوا».