ميس حمدان تفتح النار علي خالد يوسف.. ”هزقني لما رفضت مشاهد القبلات”

كشفت الفنانة "ميس حمدان"، عن حقيقة الخلاف بينها وبين المخرج خالد يوسف وذلك بعد رفضها تقديم مشاهد القبلات بفيلم "ويجا"، وذلك بعد ترشيح خالد يوسف لها ،بدلا من الفنانة دوللي شاهين.

و قالت الفنانة "ميس حمدان"، في حوار لها بأحد البرامج التلفزيونية :" خالد يوسف" ، هو حمقي شوية في ردود أفعاله،وزمان كان في موقف حدث وهو كان عايزني في الدور بتاع الفنانة "دوللي شاهين"،في فيلم ويجا، وذهبت الي مكتبه، بوجود هاني سلامة، وكان بيقنعني بالدور وأنا وقتها كان عندي تمسك فظيع إني مش هقدر أمثل مشاهد القبلات والمشاهد الساخنة في الفيلم.

وتابعت "ميس حمدان" : كان بيقولي إنني بهذه الطريقة مش فنانة وبطلوا الطريقة دي، وأنتوا كدة اللي بوظتوا الفن وزمان الفنانين ما كانوش بيفكروا بالطريقة دي وكانوا محترمين برضوا، وهو ليه وجهة نظر وتُحترم، وأنا حسيت إني بتحط في زاوية معينة، قولتله طيب إديني فرصة أروح البيت أسأل ماما وأنا لم يكن عندي الجرأة أمثل المشاهد دي، واعتذرت وقولتله أنا مش هقدر أعمل الدور ده، وزعل وهزقني وقالي بما معناه اللي زيي اللي بوظ الشغلانة.

وأوضحت "حمدان"، وقتها الخبر إنتشر في الصحافة، بعدها خالد يوسف كلمني وإداني علي دماغي وقالي "متربطيش اسمك بإسمي،انتي عايزة تتشهري علي حسابي،ومتجبيش إسمي تاني علي لسانك،ولا تجيبي سيرتي خالص".