عبدالرحمن في دعوى طلاق :بترقص شرقي وتنزل الفديوهات على السوشال ميديا

برأس منكثة يقف عبدالرحمن أمام قاضي محكمة الأسرة بالتجمع الخامس يروى معاناته مع زوجته بعد إن قامت بالرقص الشرقي في الأفراح ونشر الفيديوهات على مواقع التواصل الاجتماعي وردد اتفضحت في المنطقة ومش عارف أرفع رأسي بين الناس، طلعت بتمثل عليا أنها محترمة و هي فيديوهاتها على تليفونات شباب مصر كلها.

وتابع عبدالرحمن بعيون حزينة: يا سيادة القاضي انا مصدرك من تمثيلها عليا الفترة دي كلها طلعت شاطرة أوي وردد طول الوقت ملتزمة و محترمة وبتصلي قدامي في البيت من يوم ما اتجوزنا، طلعت بدراي على فضايحها و أنا زي الأهبل مش فاهم حاجه و ردد كنت بعدي على مجموعة شباب يضحكوا و انا مش فاهم ليه بس دلوقتي فهمت بيضحكوا على الفضيحة اللي معيشها ملكة في البيت و هي راقصه.

وأكمل عبدالرحمن:لما واجهتها بالفيديوهات المنتشرة على السوشال ميديا و مصر كلها شافتها و أنا طلعت آخر واحد وردد بتقولي كان فرح أختي و فرحانه و كله كان بيرقص معملتش حاجه غلط، الصدمة أنها بتبرر غلطها بغلط تاني معترفتش الفضيحة اللي عملتها، ولا عرفتي قبل الجواز و أنا ليا حرية الإختيار سابتني على عمايا، بقيت بمشي في الشارع رأسي في الأرض مش قادر أوجه الناس، بقيت حاسس أن كل الناس بتتكلم عليا و اتخيلهم بيضحكوا.

وأردف عبدالرحمن: طلبت منها ننفصل و كل واحد يبدأ حياة جديدة لكنها رفضت تماماََ، انتظرت والدها يرجع من السفر و أحل معاه الموضوع ودي و لكنه رفض، سبت البيت فترة و ملقتش حل الفضيحة الا بالانفصال عنها، لجأت لمحكمة الأسرة بالتجمع الخامس و أقامت دعوى طلاق للضرر تحمل رقم 1097 لسنة 2021 و لم يتم الفصل بها حتى الآن.