أسامة أمام محكمة الأسرة :مراتي كسولة بتأكل وتمسح في هدومها

"مراتي كانت بتمثل قبل الجواز، و صدقتها ضحكت عليا بجمالها، طلعت كسولة بتأكل وتمسح في هدومها" بهذه العبارات الصادمة بدأ الزوج يروى تفاصيل تعرضه للخادع من زوجته خلال فترة الخطوبة وصدمته من حقيقة أمرها بعد الجواز.

وتابع الزوج أمام قاضي محكمة الأسرة التجمع الخامس:عشت قصة حب سنتين مع قبل مراتي الجواز مع مراتي، كانت جميلة ورشيقة كانت البنت المثالية اللي يحلم بيها اي شاب كزوجة يكمل معاه باقي عمره، لكن دا كله طلع خداع، طلعت بتضحك عليا و اتحولت لواحدة تاني عمري ما شوفتها، مش نظيفة خالص وجمالها طلع وسيلة تجيب رجلي بيها، كلها حاجه قبل الجواز كانت عبارة عن فيلم مكتوب كويس وهي نفذت الدور بشكل احترافي.

وأكمل الزوج: مراتي بعد ما كانت أكتر واحدة رشيقة شوفتها، بعد الجواز طلعت كسولة اوي، لدرجة أنها بتأكل وتكسل تقوم تغسل ايديها فبتمسحها في هدومها، نصحتها كتير لكن دي عادة ملازمها، سبتلها البيت وروحت عند أهلي، وقولت يمكن تحس و تغير من نفسها، افتكرت إني اتجوزت عليها لاني طولت، فرجعت البيت قولت أديها فرصة تانية.

واختتم الزوج: لقيتها زي ما هي مفيش حاجه اتغيرت كسولة مش نظيفة و حتى حاولت تمثيل عليا أنها اتغيرت، عرفت إني العيشة معاها بقت مستحيلة، فطلبت من أهلها ننفصل بهدوء لكنهم رفضوا، أقمت دعوى طلاق للشقاق للضرر منها والتي تحمل رقم 2197 لسنة 2021، ولم يتم الفصل فيها حتى الان.