سارة في دعوى نفقة: ”عرفت إن جوزي متجوز عليا بالصدفة”

بوجه شاحب، وعيون دامعة، وقفت "سارة" غير مدركة لما يدور حولها من صدمة ما تعرضت له، بعدما اكتشفت أن زوجها متزوج بأخرى بالصدفة بمحكمة الأسرة بالجيزة، بعدما قررت إقامة دعوى نفقة بسبب بخله الشديد.

تروي سارة معاناتها مع بخل زوجها قائلة: "في أول الجواز جوزي مكنش حارمني من أي حاجة، وكل طلباتي مجابه، بعد فترة تعامله معايا اختلف، وظهر على حقيقته، بقى بخيل جدا، ومش بيصرف على البيت، وصلت لمرحلة إني مش عارفة أجيب أكل العيال، مع إنه ميسور الحال وعنده ورشة حدادة".

وتابعت: "كان بيسيب ليا 50 جنيه ويقولي صرفي نفسك لحد ربنا ما يكرم، بقيت مش عارفه أجيب بيهم إيه احتياجات البيت والبنات كتير، وهو بخله هيموته ويموتنا معاه، سألت العمال معاه عن دخله ورددت قالوا دخله لا يقل عن 8 آلاف جنيه شهريا، ومعيشنا محرومين من كل حاجة".

واختتمت الزوجة حديثها: "قررت أقيم ضده قضية نفقة والتي تحمل رقم 7680 بمحكمة الأسرة بالجيزة، الصدمة لما دخلت المحكمة في يوم وفي اتنين ستات كانوا قاعدين جانبي واحدة رافعة قضية خلع، والتانية قضية نفقة على اسم جوزي الثلاثي ونفس المهنة صاحب ورشة حدادة بفيصل.