السيسي: عايز أقول لكل مصري أنا شايفك ومعاك وبحاول أخفف عنك

وجه الرئيس عبد الفتاح السيسي، خلال حضوره احتفالية التحالف الوطني للعمل الأهلي التنموي، وإطلاق مبادرة “كتف في كتف” رسالة إلى القائمين على المبادرة وإلى المصريين.

وقال الرئيس عبد الفتاح السيسي:"عايز أقولكم حاجة مهمة أن المصريين بيأكدوا كل يوم باختلاف طبقاتهم يعني والموجودين شريحة من كل أطياف المجتمع أنهم قادرين يقوموا بمجهود كبير في وقت صعب، أن إحنا نساهم في تخفيف الأزمة الكبيرة اللي بتمر بيها الدنيا وبتمر بيها مصر وغلاء الأسعار، أننا نلف على البيوت ونخفف عليهم الغلاء بـ5 ملايين كرتونة غذائية، الهدف منها في الأيام الكريمة تبقى الأمور كويسة للناس كلها".

وتابع السيسي :"دعواتي ليكم كلكم بالخير والسلام، وعايز أقولكم حاجة مهمة أوي من الحاجات المهمة جدا إدخال البهجة والسرور على الناس واللي إحنا بنعمل ده في المبادرة كتف في كتف، بنقول للناس أنا شايفك ومعاك وبحاول أخفف عنك، ودايما المصريين أيد واحدة".