زوجة في دعوى خلع: ”جوزي طلع مجنون وبيكلم نفسه في أوضة النوم”

تقف الزوجة بملامح محطمة بعدما تلاشت جميع أحلامها في ليلة وضحها وانقلبت حياتها رأساََ على عقب، وترجع بيها الذاكرة إلى الأحلام التي رسمتها مع نفسها، والمستقبل الذي خططت له رفقة زوجها، لتهدم كل تلك الصورة الخيالية أمام عيناها.

تروي الزوجة أمام محكمة الأسرة تفاصيل قاسية عاشتها لفترة مع زوجها، التي أكتشفت معاناته من مرض نفسي بالوراثة ورددت: "جوزي طلع بيكلم نفسه، بدخل عليه أوضة النوم بلاقيه بيكلم نفسه ومندمج كأن في مليون واحد بيكلمهم، كنت خايفه في الأول أنه يكون بيكلم أشباح ناس شايفهم وأحنا لا، ياريت الموضوع كان طلع أشباح فعلا".

وتابعت الزوجة بدموع القهر الذي مرت به: اتعرفت على جوزى من خلال أقارب ليا، وحبينا بعض وحسيت خلال فترة الخطوبة أن هو الشخص المناسب، وبعد سنة خطوبة اتجوزنا، كان شرطه الوحيد نتجوز في نفس بيت أهله علشان هو المسؤل عنهم ووافقت ناس كبيرة في السن ملهمش حد غيره و زي أهلي".

وأكملت الزوجة :بعد فترة بدأت ألاحظ أنه بيكلم نفسه، الأول فكرت أنه ضغط نفسي بسبب الفرح والتكاليف وغيره، لكن مع الوقت الموضوع أستمر وكنت بدخل عليه أوضة النوم الاقيه بيكلم نفسه وكأن في ناس معاه هو بس اللي شايفهم واحنا مش شايفنهم، كان طبيعي فترة الخطوبة مش عارفه ايه اللي حصل.

وأردفت الزوجة: بدأت أتكلم مع أهله واسألهم و أقولهم على اللي بيحصل مع جوزي، و الكارثة إني عرفت منهم أنه كان عنده عمه مجنون، تصورت كتير جات في بالي ولادي منه هيبقيوا عاملين إيه، هيفضل كدا والا الموضوع هيتطور، فقررت أخد حبوب منع الحمل، خوفت أخلف أطفال يطلعوا زيه أو الناس تعيرني لو خلفت منه عيال مجنونة.

واختتمت الزوجة حياتي بقت كلها قلق وتفكير، وبقيت بخاف منه، قررت انفصل عنه مش هقدر أكمل حياتي بالشكل دا، طلبت الطلاق فرفض، أقامت دعوى خلع تحمل رقم2857 لسنة 2021 ولم يتم الفصل فيها حتى الآن.