ضحيت بأمومتي علشان الفن.. تعرف على أبرز 15 تصريح لـنبيلة عبيد بمهرجان أسوان

أطلقت النجمة نبيلة عبيد خلال الندوة المقامة ضمن فعاليات الدورة السابعة من مهرجان أسوان الدولى لأفلام المرأة، العديد من التصريحات الهامة عن حياتها وأسلوب عملها خلال مسيرتها الفنية وكان أهمها:

• مكنش في دماغي فكرة الجواز والخلفة، وضحيت بأمومتي عشان الفن.
• الجيل الحالي بيفكر في الخلفة والجواز، بس أنا كان معايا كتاب بيقدموا أفكار وعنصر المرأة كان لازم يكون موجود بقوة.
• الجيل الحالي بيتعرض عليه أعمال مناسبة ليهم، وهو مختلف تمامًا عن اتجاهي.
• تصالحت مع نادية الجندي ومش مجرد إني حضنتها قدام الجمهور، لا بقينا بنسأل على بعض طول الوقت.
• إحسان عبد القدوس هو اللي رشحني للروايات، وكنت بسمع الكلام عشان أتعلم.
• مبسوطة بالخطوة اللي عملتها مع إحسان عبد القدوس، وقرأت أيام في الحلال والراقصة والسياسي.
• عمري ما بأخذ قرار مني لنفسي لازم أسمع للي قدامي وأتعلم.
• أنا لسه مبطلتش شغل، وليا رصيد كبير، لكن مبقوش يشوفوا الناس اللي زينا.
• كل الاتجاه بقا للأجيال الصغيرة، ومبقاش فيه دور ماما وقاعدين مبنعملش حاجة.
• حلمي رفلة هو صاحب الفضل عليا في بداياتي، وهو اللي عرض عليا المشاركة في رابعة العدوية مع أم كلثوم.
• كنت خايفة أترفض في رابعة العدوية من أم كلثوم.
• حلمي رفلة قالي هنعملك اختبار لو نجحتي تمام ولو منجحتيش هنعملك أدوار خفيفة ونجحت فعلًا.
• وأنا بعمل الاختبار حسيت الكلام جدًا وعيطت مع إني كنت لسة صغيرة.
• وحيد فريد المصور كان بيدعي إني أخد الدور، وجابولي أستاذ لغة عربية وكان ليهم الفضل عليا.
• أم كلثوم ساعتها سألت مين اللي هيعمل الدور وكنت خايفة الرفض يبقى منها.

وكانت قد أكدت النجمة نبيلة عبيد خلال الندوة المقامة ضمن فعاليات الدورة السابعة من مهرجان أسوان الدولى لأفلام المرأة، على أنها والنجمة نادية الجندي متصالحين، وقد وصفتها بأنها صديقتها وحبيبتها وأنهما متصالحين، يتصلان ببعض ويسألان علي بعضهما دومًا ولكنها كانت تذهب لرسامي الأفيشات وعندما لا يلقى الأفيش إعجابها كانت تلقي البويات على الأفيش، وشهدت الندوة حضور الفنانة بشرى، الفنانة سوزان نجم الدين، أميرة فتحي، والمخرج عمر عبد العزيز، دكتور خالد عبد الجليل وعدد من سفراء الاتحاد الاوروبى، ويقدم الندوة السيناريست محمد عبد الخالق رئيس المهرجان.