حلمي عبدالباقي: أنا فلاح علشان كدا رفضت دخول بناتي مجال الغناء

قال الفنان حلمي عبدالباقي، إنه رفض دخول بناته مجال الفن والغناء، متحدثًا عن الصعوبات التي يواججها المطربين في هذا المجال.

وبحسب «عبدالباقي»، في تصريحات تلفزيونية: "الموضوع صعب وأنا شوية فلاح ومش حابب أنهم يتعبوا ويشوفوا اللي أنا شفته الوسط دلوقتي يخليني قلقان الأخلاقيات مش زي زمان".

وتابع: "عندي أربع بنات ومدلع خالص يا بخت اللي عنده بنات، أساميهم دينا وماهيتاب وساندي وباكينام، أمي كانت تقولي أنت مسمي لنا أسماء هندي ومكنتش تعرف تقول باكينام، كلهم متعلقين بيا، وبنتي الكبيرة دينا كانت بتغني وحافظة الأغاني بتاعتي أكتر مني".

وتحدث الفنان حلمي عبدالباقي، عن ذكرياته مع الغناء وبداية مشواره الفني وموقف تعرض له في حياته، قائلًا: "جيلنا كان محظوظ، ولكن مش محظوظ إعلاميًا والمتلقي كان مختلف عن دلوقتي ولما كنا بنعمل أغنية كنا نتوقع أنها رايحة في حتة تانية لأن المتلقي سميع للأغاني"، مُضيفًا أنه من اكتشف عندما كان يغني في حفلات الزفاف في الزقازيق، مسقط رأسه، الأمر الذي جعل المحافظة تستعين به للغناء في الاحتفال بالعيد القومي لمحافظة الشرقية، ومن ذلك الحين اكتشف أنه لديه موهبة الغناء.

واختتم «عبدالباقي»، حديثه قائلًا: "على مدار حياتي في مواقف كتير لما بفتكرها بضحك، وكنت في كورال الجامعة بغني صولو ومكنتش أعرف يعني إيه موال ومقام، واتعلمت كل ده بالممارسة، ومرة كنت طالع في حفلة تبع الجامعة وكنت بغني للاستاذ محمد العزبي، وكنت مبسوط جدا وقتها ولما خلصت قولت للأستاذ قطب إيه رأيك؟ فقالي إيه القرف ده عمال تدخل من مقام وتدخل مقام تاني، وكانت نقلة في حياتي وكنت لازم اتعلم واثقف نفسي وبقيت أعرف من الموسيقيين كل حاجة محتاج أعرفها في المزيكا".