بعد الهجوم على الحجاب في «تحت الوصاية».. عبير صبري: مفيش تعمد إن المحجبة يطلع شكلها وحش في الدراما

حرصت الفنانة عبير صبرى على الرد على إثارة الجدل بشأن تقديم شخصيات محجبة في الأعمال الفنية الدرامية، موضحة على أن دور الشخصية تفرضها ظروف الاجتماعية والنفسية والاقتصادية.

وكتبت عبير صبري عبر حسابها الشخصي بموقع تبادل الصور والفيديوهات القصيرة انستجرام: «بمناسبة الجدل الداير حوالين ان الدراما بتقدم المحجبة بشكل مش حلو وان فيه تعمد بكدة ودا طبعا غير حقيقي بالمره ولكن الشخصيه طبيعتها وظروفها الاجتماعية أو الاقتصادية أو النفسية وقصتها وغيره هي اللي بتفرض الشكل العام ليها يعني لو مرفهة بتكون ليها شكل او مسؤولة وشقيانة ليها شكل او بتمتهن مهنه ليها شكل وتفاصيل دا شيء بديهي وهكذا».

وأضافت خلال حديثها: حبيت افكركم ان مفيش تعمد ولا حاجة انا قدمت دور شريفة في مسلسل الطوفان وكانت جميلة ومرتبة وشيك وعندها صراع مختلف لأنها ست بيت وزوجها بيصرف عليها ومش محتاجه حاجه فاكرين الدور ده ياريت تستمتعوا بالعمل الفني اللي مبذول فيه جهد كبير ومتستهلكوش طاقتكم فيما لايفيد .