سهير رمزي: «اتجوزت حلمي بكر أيام ما كان لسه مش موسيقار وندمت إني مخلفتش»

أثارت الفنانة سهير رمزي الجدل الكبير الساعات الماضية وذلك عقب حديثها عن زوجها من الموسيقار حلمي بكر، وكذلك تحدثت سهير رمزي عن رفضها لانجاب طفل كي لا تتحمل المسؤولية.

وتحدثت سهير رمزي عن علاقتها بالموسيقار حلمي بكر، أثناء استضافتها في الجزء الثاني من حلقتها في برنامج حبر سري، الذي تقدمه الإعلامية أسما إبراهيم على قناة القاهرة والناس، وقالت: "جوازي من حلمي بكر كان قبل دخولي المجال السينمائي وكنت صغيرة جدًا وقتها".

وتابعت: "بس دماغي طول عمري كانت في السينما ولكن الفترة دي كنت بدرس لسه في مدرسة ومفيش في دماغي حتة إني أدخل السينما، وحلمي كمان كان في بداياته ومكنش موسيقار كبير زي دلوقتي وكان رافض إني أمثل".

وكشفت سهير رمزي سبب رفضها للأمومة، وقالت: "كنت أنانية جدًا لما حبيت سهير رمزي اكتر ما حبيت أن يكون عندي طفل، والحاجة الوحيدة اللي ندمت عليها هي أني مجبتش ابن يقف جمبي، لأني كنت من النوع اللي خاف يجيب طفل".

وأضافت: "لو كنت خلفت وأنا بمثل كنت قعدت في البيت، وفكرت إني أتبنى طفل قبل كده بس من غير ما يعيش معايا عشان هتبقى مسؤولية، وفكرت أتبناه بس من بعيد".