لقاء الخميسى لجمهورها: احنا بنيجى على نفسنا علشان نبسطكم

طلبت الفنانة لقاء الخميسي جمهورها باحترام آرائها وأفكارها، مؤكدة على أن كل فرد له ثقافته ومعتقداته الشخصية، ولا بد احترامها أو رفضها دون الهجوم، وذلك خلال فيديو نشرته عبر حسابها الشخصي بموقع تبادل الصور والفيديوهات انستجرام.

وقالت لقاء الخميسي خلال الفيديو: «رجاء من كل الناس اللي بتتابع السوشيال ميديا.. اللي بيحب حد يدخل عنده ويقوله كلمتين حلوين أو يصمت.. مبتحبش متقولش ممكن نختلف في الأراء، لكن لازم نتعلم إزاي نحترم الاختلاف».

وتابعت: «ياريت نبطل نهين بعض، ونرفض أفكار بعض كل واحد زي ما تربى، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك.. الحاجة بقت تزهق بصراحة».

وأضافت لقاء: «الممثل عنده نفس التفاصيل اللي بتمر بيها.. أزمات نفسية ومادية وعائلية ومشاكل ومنحبش نوريكوا مشاكلنا.. إحنا موجودين في الدنيا علشان خاطر نبسطكم ونفرحكم ونقدملكم محتوى يغير مودكم».

واختتمت الخميسي، قائلة: إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حِبونا شوية وادونا هوا، وشوفونا بني آدمين طبيعين.. عندنا مشاكل وصدقوني مفيش حد في العالم معندوش مشاكل.. كل واحد ربنا بيديله على قد قدراته.. الرحمة حلوة ياجماعة.