الحلواني للنهار: أحمد ذكي قدوتي وده السر ورا قعدة الفنانين في البيت

قال الفنان "أحمد الحلواني" في تصريح خاص له لموقع وجريدة النهار، قدوتي في الفن هو الراحل أحمد ذكي لأنه فنان بجد، وكل نجوم الزمن الجميل الي هما أساتذتنا اعترفوا بيه كفنان حقيقي، فالنجم محمود المليجي والنجم فريد شوقي إعترفوا به كفنان متمكن، وأنا بعتبره قدوتي وهو قدوة حقيقية أنا بحبه وبحترمه لأنه كان فنان بيشتغل بجد وبيشتغل بمنهج.

وأضاف أحمد الحلواني.. إن مصر طول عمرها ولادة وهيجي أحمد ذكي تاني ،زي مافي أساتذة في الفن أنا بعتز بيهم، زي توفيق الدقن وزكي رستم،وعبد الغني قمر، وصلاح منصور وأحمد عبدالعزيز ويحي الفخراني، وعادل إمام، ومحمود مرسي ونور الشريف،ولكن قدوتي في الفن هو أحمد ذكي.

وعن الفنانين الذين يشتكون من عدم عرض أي أدوار عليهم وأنهم يجلسون بالسنوات في المنزل بدون عمل قال:
كل فنان مكتوب له رزقه هياخده ولو كان في بطن الحوت وربنا قال"وفي السماء رزقكم وما توعدون"، ومن كان رزقه علي الله فلا يحزن.
وتابع : فعلا ساعات حاجات بتحصل من تحت الترابيزه لكن كل واحد رزقه جاي جاي، وأنا رزقي جاي وإن شاء الله السنة دي هتبقي نقلة مهمة بالنسبة لي وأنا متفائل خير.
وأضاف:مطربتي المفضلة هي نجاة وشيرين ونانسي عجرم، وعن الأزمة التي تمر بها الفنانة شيرين قال أنا لا أملك أن أحكم علي أي فنان من خلال حياته الخاصة.

وأستكمل، إن أكبر خطأ يمكن أن يقع به الفنان هو أن يسلم دماغه للناس.

واختتم الحلواني كلامه مهنئا الشعب المصري والإخوة الأقباط بعيد الميلاد المجيد، وأن كل المصريين إيد واحدة ومحدش هيقدر يوقع بينا.