شاهد .. أحدث ظهور لـ حنان ترك بمناسبة العام الجديد

ظهرت الفنانة حنان ترك بإطلالة مميزة على موقع التواصل الاجتماعى انستجرام بمناسبة العام الجديد، وعلقت على الصورة : “يارب عام سعيد كله أمل وتفاؤل وثقه في إن ربنا لا يضيع أجر من أحسن عملا .. المهم نحط لنفسنا هدف ونسعى بكل طاقتنا لتحقيقه أكيد هتقابلنا عقبات بس بالعمل والإستعانه بالله هنوصل بإذن الله”.

وأعربت الفنانة حنان ترك عن حزنها الكبير بسبب تصديق أصدقائها المنشورات التي تداولت الفترة الماضية على صفحات مزيفة انتحلت اسمها وكتبت أمور غير حقيقية قائلة خلال بث مباشر على صفحتها الرسمية بموقع التواصل الاجتماعى "فيس بوك"، قائلة: "صعبت عليا نفسى أوى ان ناس صحابى زعلوا منى عشان منشورات على مواقع التواصل الاجتماعى انا مليش علاقة بيها وعمرى ما قلتها، وقلت معقولة نسيونى للدرجة دى وممكن يفتكروا انى قلت الكلام ده، وأخدت على خاطرى منهم ولكن الحمد لله ان ربنا نصفنى وقدرت اوثق الصفحة بتاعتى".

وأضافت حنان ترك: "الصفحات التانية اللى كانت باسمى بدأت تتراجع، وانا عاوزة أقول لأى شخص كتب حاجة باسمى يحذف البوست لأنى هابدأ أخد إجراءات، وعايز أقول انى كمان عملت قناة على اليوتيوب مفيهاش لسه حاجة ولكن سنتواصل من خلالها في بث مباشر واتكلم في شوية حاجات عنى وعن اولادى رغم ان وقتى ضيق لأنى في غربة وولادى مسؤوليتى"