شيرين رضا تتحدث عن زفاف ابنتها نور عمرو دياب

كشفت الفنانة شيرين رضا عن حقيقية إقامة حفل زفاف لـ ابنتها نور عمرو دياب وذلك من خلال لقائها في برنامج “et بالعربي”.

وقالت شيرين رضا من خلال اللقاء: "هتتجوز أكيد وهي مخطوبة دلوقتي بس أحنا معندناش الأفراح وهي مش هتعمل فرح لأننا لا نؤمن بهذه الأشياء، وأنا عمري ما لبست فستان فرح لبست في التمثيل ولكن ملبستوش في الحقيقة، وطبعا كل واحد حر ويعمل اللي هو عايزوا.

و أضافت “شيرين”: “وهي مش عاوزة تعمل فرح وأنا عمري ما كنت عايزة أعمل فرح وهنشوف لسه محددناش حاجة بس اللي في الأخر هيحصل هاتبقي حاجة صغيرة أوي المهم أنها هي وجوزها وأهلوا وأهلها يفرحوا”.

وعلي الجانب الأخر تحدثت الفنانة شيرين رضا عن مدى قوة علاقتها بالفنانة دينا الشربيني، وعن كواليس التصوير بينهما في حكاية “ولو بعد حين” من مسلسل “حدث بالفعل”.

دينا الشربيني وشيرين رضا
وقالت شيرين رضا من خلال لقائها في برنامج “ET بالعربي”:" أنا ودينا صحاب من زمان و اشتغلنا مع بعض قبل كده في فيلم كدبة كل يوم وأن إحنا جالنا فرصة نشتعل مع بعض تاني دي فرصة جرينا عليها بصراحة.

وأضافت “شيرين" قائلة: "أنا كان المفروض أصور الحلقة التانية من المسلسل لوحدي ولكن لما قالولي تعملي حلقة مع دينا الشربيني أحنا الأتنين قولنا طبعا عشان نقدر نقابل بعض لأن أحنا مكناش عندنا فرصة نقابل بعض في الحياة العادية لأن كل واحدة فينا مشغولة في مشاريعها.

و أكملت شيرين رضا حديثها قائلة:" إحنا فضلنا قعدين مع بعض 6 أو 7 أيام وهي كان عندها كرفان وأنا كمان بس أحنا كنا بنقعد في كرفان واحد.