دنيا سمير غانم: أشارك في دراما رمضان 2023.. وأتمنى تقديم فيلم حول حق الأطفال بالحماية

كشفت الفنانة دنيا سمير غانم، كواليس مشاركتها في موسم رمضان 2023، بجانب الحديث عن أغنيتها الجديدة لينا حق، والتي أطلقتها في حملة اختلافنا مش بيفرقنا.

وقالت دنيا سمير غانم، خلال لقائها في برنامج ET بالعربي، إنها ستعود لدراما رمضان 2023، من خلال مسلسل جديد يتكون من 15 حلقة فقط وليس ثلاثين حلقة، معلقة: مش هقدر أعمل 30 حلقة السنادي.

وعن أغنيها الجديدة لينا حق، والتي طرحتها في حملة اختلافنا مش بيفرقنا، وتحث على أهمية حق الأطفال في الحماية وفرص عادلة، أوضحت الفنانة: أتمنى تقديم فيلم أو مسلسل بيتكلم عن الرسالة دي بالذات، وإن شاء الله هعمل كدا.

مسرحية أنستونا

أعربت دنيا سمير غانم عن سعادتها، بنجاح تجربة مسرحية أنستونا، مضيفة: تجربة من الحاجات اللي مخلياني سعيدة، ورد فعل الجمهور كان مختلفًا، وحسيت بإحساس جديد مكنتش حسيته قبل كده وحبيته جدًا، وسعيدة أن بداية عرض المسرحية في مصر.

وحول أعمالها السينمائية الجديدة، أضافت دنيا سمير غانم: لسه شوية على السينما.. أنا مركزة دلوقتي في المسرحية، لأنها خدت كل وقتي، وبعدها مسلسل رمضان وبعدين السينما.