إنجي علي: استقلال المرأة ماديًا بيخلي قرارتها من دماغها.. ومستحيل أتجوز حد فاشل

قالت الإعلامية إنجي علي، إن الاستقلال المادي للمرأة يجعلها تتخذ القرارت بشكل فردي دون الحاجة للاستعانة برأي شخص آخر.

وتابعت إنجي علي، خلال حوارها الإعلامي مع سعيد جميل، في برنامجه أنا سعيد، المذاع عبر شاشة قناة القاهرة والناس: استقلال الست المادي بيخلي قرارها من دماغها، وأنا اتجوزت مرتين والاتنين محترمين جدًا بكن ليهم كل حاجة حلوة، وأنا بحب الراجل الناجح اللي عنده طموح، ومقدرش أتجوز حد فاشل أو قاعدلي في البيت طول الوقت زي البروطة، أنا مبحبش النوعية دي لأني فعلًا بحب الشغل.

وأكدت إنجي علي، أن حبها للعمل جعلها تنخرط به، وذلك دون أن يكون لديها ضائقة مادية تجعلها تُقبل على العمل، قائلة: أنا لما نزلت للشغل منزلتش علشان أنا محتاجة ولكن نزلت علشان أنا حابة الشغل، حتى نزلت شغلانات بسيطة علشان أشوف إحساسهم، ودي حاجة كونت شخصيتي.

إنجي علي

كما أبدت الإعلامية إنجي علي رأيها، خلال الحوار في مسألة المساواة بين الرجل والمرأة، قائلة: أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهارده أخدوا حقهن تالت ومتلت على جميع المستويات، ده من وجهة نظري وده رأيي.

وأضافت: بقول للستات اللي بيضغطوا على أزواجهم وبيطلبوا أكتر من قدراته يهدوا شوية، والكلمة الحلوة بتفرق إحنا بقينا بخلاء حتى في الكلمة، وأقوى ست في العالم هي الست المصرية، لأنها ملهاش مثيل في أي حاجة، والناس بتحب الرجل المصري وخفة دمه.