الجمعة 29 مارس 2024 11:09 صـ 19 رمضان 1445 هـ
جريدة النهار المصرية رئيس مجلس الإدارة ورئيس التحريرأسامة شرشر

فن

مجلس النقابة السابق كان بيعاملنا كأننا حشرات أو مش ولاد ناس.. أبرز تصريحات حسن شاكوش

قال الفنان حسن شاكوش، إن مجلس النقابة السابق، كان يتعامل مع مطربي المهرجانات كأنهم حشرات مثلما وصفهم، مؤكدًا أن مطربي المهرجانات كل هدفهم هو الاسترزاق من عملهم فقط، لكن المجلس السابق لم يُقدر ذلك، ودائمًا كان يضع لهم شروطًا تعسفية.

ونستعرض لكم أبرز تصريحات شاكوش عن مجلس النقابة السابق، خلال تصريحات تلفزيونية له:

ـ مجلس نقابة المهن الموسيقية السابق كان بيعاملنا كأننا مش مصريين، وجايين ناخد خير البلد.

ـ المجلس السابق كان بيعاملنا كأنا حشرة في المجتمع أو مش ولاد ناس أو أننا كنا صيع وقاعدين على قهاوي ومرة واحدة ربنا كرمنا.

ـ الفنان هاني شاكر على دماغنا، لكن مكنش بيجمعنا، علشان نوصله كان صعب ومفيش فرصة أن نقابله.

ـ في 60 أو 70 بيت مسئولين مننا، إحنا بناكل أكل عيشنا بالحلال، ولما نقعد في البيت هنأكلهم إزاي.. أكيد هنمشي في الحرام.

ـ الواحد لسانه نشف إننا نقول عايزين ناكل عيش.

تصريحات حسن شاكوش

ـ القرارت اللي كانت بتطلع من مجلس النقابة السابق؛ كان ناقص نطير في الجو، ونركب جناحات عشان نرضي المجلس القديم.

ـ أنا واخد كارنيه مطرب شعبي، وحمو بيكا هياخد كارنيه أداء صوتي.

ـ الأداء الصوتي للناس اللي مبتعرفش تغني.. بس كلنا بناكل عيش.

ـ مصطفى كامل الله يبارك له لمنا وجمعنا.. حسينا أن في سند معانا.