النهار
الثلاثاء 17 نوفمبر 2026 01:52 مـ 6 جمادى آخر 1448 هـ
جريدة النهار المصرية رئيس مجلس الإدارة ورئيس التحريرأسامة شرشر
في ذكرى انتفاضة 1973.. رئيس وزراء اليونان يؤكد على أهمية الوحدة الوطنية والعمل المشترك لمواجهة الصعوبات وزير التموين يبحث مع «IRH» الإماراتية و«أرقام كابيتال» فرص التعاون في توريد القمح وتنويع مصادر الإمداد ضبط 230 علبة سجائر مستوردة و194 عبوة شاي مجهولة المصدر ومواد غذائية منتهية الصلاحية في حملة رقابية مكبرة بمركز الرياض بكفر الشيخ البحيرة: استكمال رصف طريق ”علي ماهر” بكفر الدوار بطول 2.3 كم وتكلفة 16 مليون جنيه تأجيل محاكمة طالب الحقوق في قضية ”طفلة كرداسة” أمام النقض بعد وفاة زوجته.. أب بورسعيدي يربي أبناءه الثلاثة بمفرده ويحصد لقب الأب القدوة 2026 شعبة النقل واللوجستيات تبحث التعاون المشترك مع الشركات الصينية الحكومية الرئيس الصيني يشيد بتطوير العلاقات الصينية-الكندية ويصفهابـ” خيار صحيح” لجنة التزيين بتجارية الإسكندرية تناقش تطوير التعليم الفني وتوفير العمالة المدربة البحر الأحمر تحصد التميز في مبادرة «الأب القدوة» 2026.. حسن أحمد مجاهد ضمن الفائزين على مستوى الجمهورية عبد الوهاب: التراجع الحالي تصحيح مؤقت.. والأسعار الحالية فرصة شراء للادخار طويل الأجل 84 لاعب ولاعبة في انطلاق الدورة المجمعة الأولى لبطولة الجمهورية للبوتشيا

فن

أبرز تصريحات الفنانة صفاء جلال في برنامج «كلام الناس»

حلّت الفنانة صفاء جلال، ضيفة على الإعلامية ياسمين عز ببرنامج "كلام الناس" والمذاع عبر قناة "إم بي سي مصر".

وقالت الفنانة صفاء جلال إن زوجها اشترط عليها عدم تجسيد دور الراقصة مرة أخرى بعد تجسيدها في مسلسل "امرأة من زمن الحب".


وأضافت: "بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".

قالت الفنانة صفاء جلال: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".

وأضافت: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلا نزلتهم ودلوقت بكمل دايت وبروح الجيم".

وأشارت: "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قد ما بقدر اوصل لشكل لطيف والناس تتقبله".

تحدثت الفنانة صفاء جلال، عن عملها مع الزعيم عادل إمام، قائلة: "اشتغلت مع الزعيم عادل إمام في مسلسل صاحب السعادة، وكان جسمي رفيع".

وأضافت: "غبت شويه وبعدين جيت أعمل ضيفة شرف معاه في مسلسل عوالم خفية، وكان جسمي مليان، قال لي تخنتي ليه يا صفاء قلت له الاكتئاب، فقال لي أوعي تزعلي ولا تكتئبي افرحي دائما واضحكي على طول وحبي الدنيا ولا تنظري للجانب السلبي في الحياة، وخليكي مبسوطة عمرك ما هتكبري".


كشفت الفنانة صفاء جلال، عن عمرها الحقيقي على الهواء، قائلة: "أنا داخلة على الـ49 سنة حاليا"، لافتة: "أنا عشت كل مرحلة عمرية بحلوها مرها".

وأضافت: "مش بتكسف أني أقول عندي كام سنة، والناس بقيت ذكية أوي يعني مش هطلع أقولهم انا عندي 35 سنة وعمر ما السن شكل ليا مشكلة".


قالت الفنانة صفاء جلال،: "90% من زميلاتي مطلقات، بس أنا قررت أتجوز راجل شرقي، أسمع كلامه، وأمشي على مزاجه".

وأضافت: "الجواز عامة تفاهم واحترام وحاجات كتير، لازم نبقى احنا الاتنين بنشوف إيه اللي يزعل التاني، ومانعملوش، ودايما أول لما بيجيلي دور في عمل فني، لو لقيت فيه أي محاذير أخلاقية؛ مش بعمله، حتى لو بيعملي إيه، هو الحمد لله إحنا بقالنا دلوقتي 24 سنة مع بعض".


وواصلت حديثها: "الحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك".