سواريز يكشف سبب عدم الاعتماد على الناشئين في مباراة المصري رغم تألقهم أمام الاتحاد

كشف البرتغالي ريكاردو سواريز المدير الفني للأهلي عدم الاعتماد على الناشئين في مباراة فريقه ضد المصري أمس الأربعاء رغم تألقهم في مباراة الاتحاد السكندري الأخيرة وتسجيل أهداف المباراة الثلاثة عن طريق الثنائي أحمد سيد غريب وزياد طارق.

قال سواريز: "اللي حصل لعبنا مباراة من ثلاثة أيام وزي ما انا قلت في مقابلات سابقة لازم يكون فيه طريقة نخلي اللعيبة الصغيرين يشاركوا بيها وعملنا مباراة جيدة امام الاتحاد فزنا فيها بثلاثية باللاعبين الناشئين وكان معانا 3 أيام بعدها يومين قبل اللعب مع المصري".

تابع: "الاهم ثقة اللاعبين الصغار بعد الفوز بثلاثية مينفعش انها تقع بس اكيد البدني بتاعهم مش هيكون 100% وكذلك الثقة والخصم بقاله 7 أيام بيجهز للمباراة ولو معملناش كده اللاعبين الصغيرين اللي عملوا مباراة جيدة مكنوش هيبقوا جاهزين يعملوا مباراة جيدة اليوم وده كان قراري".

وأعرب سواريز عن سعادته بالفوز على المصري بهدفين نظيفين في المباراة التي جمعتهما مساء أمس الأربعاء على استاد برج العرب ضمن منافسات الجولة الثلاثين من عمر الدوري، مثنيا على حالة أرضية استاد برج العرب بالتأكيد: "كل مرة نلاقي الملعب ظروفه كويسة تساعدنا أننا نلعب كرة كويسة واشكر المسئولين على تحسن حالة الملعب".

أوضح: "الفريق أدى مباراة جيدة واللاعبين كانوا متحدين وقدروا يترجموا الخطة اللي كنا حاطينها وفزنا على فريق منظم فيه مهارات فردية وجماعية وباحيي لاعبينا انهم عملوا مباراة جيدة وفيه لحظات مكناش فيها احسن حاجة والخصم كان افضل لكن كنا منظمين وانتظرنا الفرص المناسبة عشان نسجل هدف والفوز جاء عن استحقاق".

وعن اللعب بطريقة 3 / 4 / 3، أكد: "اول حاجة ابص للاعب واشوف خصائصه وبختار افضل أسلوب وفقا لهذه الخصائص ووده يعتبر الأسلوب اللي يخدم الأهلي في الظروف اللي كنا فيها ولكن في المستقبل الوضع هيتغير و4 / 3 / 3 هو الأسلوب الذي أحاول زرعه مع اللاعبين في الفترة القادمة وكنت العب باسلوبين مع جيل فيسنتي ولعبنا بثلاثي في الخط الخلفي لأن خصائص اللاعبين افضل من اللعب برباعي في الخط الخلفي