كزبرة يرد على هاني شاكر: ”إحنا أخوات وزمايل مفيش بينا نفسنا”

رد مؤدي المهرجانات كزبرة، على قرار وقفه لأول مرة عن الغناء من نقابة المهن الموسيقية، واعترض على تصريح الفنان هاني شاكر بشكل ساخر.

ونشر “كزبرة” فيديو وهو يستمع لحوار الفنان هاني شاكر مع الإعلامي عمرو أديب، ليرد عليه بقوله: “أنا هتنفسن من حنجرة وكزبرة هو أى كلام”، ورد كزبرة بعد الاستماع للتصريح قائلًا: “لأ خير الكلام ما قل ودل، واللى ملوش كبير بيشتريله كبير وأنت كبيرنا يا مستر نجيب ساويرس”

وتابع بقوله: “أنا مش هتكلم في أي حاجة وأنا بقالي 4 سنين بلاك لست، ومتكلمتش لكن لو هنفضل نسمع الكلام اللى يتعب أهلينا في بيوتنا وندمر نفسينا يبقى أنا مش عاوز الشغلانه وربنا كبير، ومش فرقه ليا، وإحنا عمرنا ما هنتنفسن من بعض يا استاذ هاني إحنا كلنا أخوات وزمايل”.

على الجانب الآخر، كان المهندس نجيب ساويرس، رجل الأعمال، هاجم الفنان هاني شاكر نقيب المهن الموسيقية، بسبب قرار منع مطربي المهرجانات من الغناء.