سهير رمزى: كنت مدّلعة أوفر.. وخربت بيت أبى وأمى بسبب ”كدبة”

حلت الفنانة الكبيرة سهير رمزى ضيفة على برنامج "السيرة"، الذى تقدمه الإعلامية وفاء الكيلانى على قناة dmc، اليوم الخميس.

وقالت سهير رمزى، خلال الحلقة، إنها كانت مدللة فى طفولتها وكانت سببا فى انفصال والديها، موضحة: "أنا كنت مدلعة دلع أوفر.. دخلت على أبويا ومعه واحدة فى مكتبه ضربنى بالقلم.. قلت هديله (زومبة) وكدبت على ماما وقلت لها: شفته بيبوس واحدة.. وده خرب البيت".

وأضافت سهير رمزى: "بصراحة هو مابسهاش.. بس شكل قعدتهم فيه استلطاف، لما شخط فيا قلت أكيد فيه حاجة" .

وسألتها المذيعة وفاء الكيلانى إن كانت قدمت الاعتذار لأبيها بعد تلك الواقعة فردت سهير رمزى: "معتذرتش لأنه ضربنى.. ومشفتهوش من بعدها، ولما توفى قريت الفاتحة وقلت له أنا آسفة بس أنت كنت قاسى عليا".

وحول علاقتها بأبيها أوضحت سهير رمزى: "سمعت إنه عيان بس مقدرتش أروح، طول عمرى ماتعودتش أعمل حاجة مش عاوزة أعملها من جوايا".

وتحدثت الفنانة سهير رمزى خلال اللقاء عن ذكريات مرحلة الطفولة، وعلاقتها القوية بوالدتها الفنانة درية أحمد، وكيف أنها تعلقت بها بشكل قوي على مدار حياتها، فضلا عن معرفتها بوالدها الحقيقي في سن 13 عاما.