محمود عبد المغني يوجه رسالة لـ دينا فؤاد بعد إذاعة أولى حلقات ” ماريونيت”

عقب ساعات قليلة من إذاعة الحلقة الأولى من حكاية " ماريونيت" من الموسم الثاني من مسلسل " ورا كل باب" عبر فضائية الحياة.. نشر الفنان محمود عبد المغني عبر صفحته الرسمية على موقع التواصل الاجتماعي فيس بوك حوار درامي بينه وبين زوجته مروة " دينا فؤاد" بأحداث المسلسل.

وجاء نصه.. _ انت مش رايح الشغل النهاردة ولا ايه ؟
= هو انا اقعد تقولي قاعد ليه انزل تقولي مابتقعدش ليه، في ايه يا مروة انا مابقتش فاهمك ولا قادر اتحمل ضغطك المستمر
_ ضغطي.. هو انا لما اقولك على مشاكلنا اللي لازم تتحل ابقى بضغط عليك، لما احاول افهم مالك وافهم جوزي متغير ليه ابقى بضغط عليك، طيب تقدر تقولي عملت ايه في مصاريف مدرسة زينة واشتراك النادي اللي ماتدفعش والبنت مش هتقدر تروح التمرين بسبب كده، ده غير ان حضرتك ماتعرفش عننا حاجة اصلا، طب فاكر عيد ميلاد بنتك اللي كان من كام يوم، احنا بقينا برة حساباتك يا حازم ..
= انتي شايفة كدة !!!
_ انا شايفة انك مابقيتش حازم جوزي اللي حبيته واتجوزته
= وانتي مابقيتيش مروة اللي بتحس بيا من غير ما اتكلم.

وسرعان ما عقبت الفنانة دينا فؤاد بخفة دمها المعهودة على بوست محمود عبد المغني " انتا السبب في كل اللي وصلنا له ونال تعليقها تفاعل كبير بين رواد السوشيال ميديا.

حكاية ماريونيت

وتعد حكاية "ماريونيت" الحكاية الخامسة من مسلسل ورا كل باب، ويشاركها البطولة محمود عبد المغنى.

حكاية "ماريونيت" من بطولة كل من دينا فؤاد، محمود عبد المغني، ميرنا نور الدين، سلوى عثمان، إنتاج شركة سينرجي، وتأليف محمد سيد بشير، ومن إخراج أحمد صالح، وسبق وتم عرض حكايات "كدبة كبيرة" و"عائلة جيجي" و"رق الحبيب" و"قلب مفتوح" من مسلسل "ورا كل باب".

دينا فؤاد

وكانت دينا فؤاد قد حققت نجاحا كبيرا فى مسلسل "اللي مالوش كبير" وتصدرت ترند "تويتر" بعد تألقها فى دور "قدرية" زوجة "سيف الخديوي" جسده أحمد العوضي، وبرعت في تقديم الشخصية بخفة ظل خطفت الأنظار، إذ ظهرت دينا في أفضل حالتها الفنية، وتألقت بشكل كبير في جميع الحلقات، ومن قبله حققت نجاحا كبيرا في مسلسل "جمال الحريم" عبر شخصية "حنان" التي لاقت صدى واسع عند الجمهور.