نادين تطلق قذائفها بعد العودة للفن: زوجي عمدة في المنيا.. وسعاد حسنى سبب اعتزالى

حلت الفنانة نادين مساء أمس ضيفة، على برنامج “واحد من الناس” مع الإعلامى عمرو الليثى عبر شاشة قناة الحياة بعد عودتها الى الفن.

ونرصد فى السطور التالية أبرز تصريحات نادين.

قالت الفنانة نادين، إن رجوعها للفن كان بسبب مكالمة من الفنانة مني زكي.

وتابعت نادين خلال حوارها مع الإعلامي عمرو الليثي مقدم برنامج "واحد من الناس" والمذاع عبر قناة "الحياة": “مني زكي كلمتني وقالتلي معايا فيلم وليكى دور مكتوب عليكي، وقولت ليها منى انتى مش واخده بالك اني اعتزلت من ١٧ سنة، فقالت لى اللى زينا مش بيعتزل، والكلمة دى هزتني جدا، وقولت ليها لا قالت لي مفيش حاجة اسمها لا فكري وإرجعيلى تاني”.

 

قالت الفنانة نادين، إن اعتزال البالية أصعب من اعتزال الفن، مردفة: “كان أهون يقطعوا لي أصبع ولا أترك البالية”.

وأوضحت نادين خلال حوارها مع الإعلامي عمرو الليثي: “خبر وفاة الفنانة سعاد حسني كان له دور كبير في قرار اعتزالي الفن، لكنه لم يكن السبب الوحيد”.

وتابعت: “لما جه خبر وفاة سعاد حسني قفلت قفلة غريبة في إن أنا عمري ما حكون سعاد حسني، طب أنا قاعدة بضحي بإيه؟ أنا أحسن لي أكون في مكان تاني بعمل حاجة تانية وبنتج فيها، لإن أنا عمري ما حكون سعاد حسني”.

وأكملت: "من الحاجات اللي ضايقتني برضه الإشاعات، ده ثالث أهم مشكلة، هما دول التلاتة إحنا لخصناهم في إن أنا كنت بضايق الفنانين في الأعمال اللي بتتقدم، وقصة سعاد حسني، وثالثا الإشاعات."

 

قالت الفنانة نادين، “زوجها هو نجل عمدة أبو قرقاص في المنيا وأصبح هو عمدة أبو قرقاص، واتقابلنا في الأسكندرية واعترف لى بحبه، وأنا عجبنى فيه الهيبة وخفة دمه وهو عمدة مودرن، وبنحس إننا لحد الآن مش متجوزين وكأننا مخطوبين، وعندنا بنتين وولد”.

وأضافت خلال لقاءها ببرنامج واحد من الناس على شاشة الحياة، "الوسط الفني تغير كتير حتى تكنيك الشغل اتغير، وفي ليالى اوجينى بعد ما خلصت تصوير قالوا لى استنى هناخد زوايا تانية فقلت دى اخرة نزول بتوع السينما للدراما".