أسما شريف منير تتذكر دلال عبد العزيز: أتعلمت منها حاجات كتير عن الصداقة

كشفت المذيعة أسما شريف منير عن ذكرياتها مع الفنانة الراحلة دلال عبد العزيز، خلال استضافتها في برنامج "أنا وبنتي" الذي قدمته مع والدها الفنان شريف منير.

نشرت أسما شريف منير صورا من كواليس تصوير الحلقة، ظهرت خلالها مع والدها إلى جوار دلال عبد العزيز وميرفت أمين ضيفتي البرنامج.

تحدثت أسما عن الكواليس وكتبت: "في الحلقة دي اتعلمت حاجات كتير عن الصداقة، الله يرحمها كانت صديقة بمعني الكلمة، وعرفت عنها قد أيه هي صاحبة واجب، مفيش عزاء مكنتش فيه، و عشان كده عزاءها كان مليان بناس بتدعيلها و بتحبها بجد مش واجب و خلاص".

أوضحت: "سيرتها طيبة و ده واضح جداً للكل، بناتها شبهها طيبين، كانت زوجة وأم عظيمة وست جميلة وكل الناس بتحبها، و ده كلنا عرفناه من كل الفيديوهات وكلام كل الناس عنها، كلنا هنمشي دي الحقيقية الوحيدة، لازم نفكر هنسيب أيه لما نمشي أو إزاي ممكن الواحد يسيب سيرة طيبة عشان الناس تدعيله".

اختتمت أسما شريف منير حديثها عن دلال عبد العزيز بالدعاء لها: "اللهم أرحم تلك النفس الطيبة التي فارقت الدنيا وأنتقلت إلى جوارك اللهم اجعلها في الفردوس الأعلى من الجنة. ربنا يصبر الاهل كلهم لانه وجع رهيب ووقت قصير، اختبار بجد صعب، ربنا يجبر بخاطرهم".