آخر التفاصيل.. رحلة علاج طبيعي لـ «محمد شاهين» بعد جراحة الرباط الصليبي

أعلن المطرب محمد شاهين عن تطورات حالته الصحية بعد إجرائه عملية الرباط الصليبي.

وكتب محمد شاهين عبر صفحته الشخصية بموقع التواصل الاجتماعي فيس بوك: "شكرا لكل الناس اللي كلمتني وشكرا لكل الناس اللي بتدعي لي ربنا يحفظكم جميعا ويبارك فيكم يارب شكرا لصحابي وإخواتي المحترمين الجدعان اللي وقفوا جمبي وأخيرا ربنا يبارك فيك يا دكتور... الدكتور أيمن فريد ويزيدك من نعيم الله... هبتدي رحلة العلاج الطبيعي والله المستعان".

على جانب آخر، هاجم محمد شاهين مؤخرًا مطرب المهرجانات حمو بيكا، بعد أن طرح الأخير لأغنية تجمعهما بعنوان "قلبي شايل وجع"، دون علمه، حيث قال"أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف"

وتابع شاهين: "كلمت حمو بيكا قلتله ازاي قالي أنا هنزل في العيد 6 اغاني بكلمة في حقوق الأغنية أقل حاجة في حقي، يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قلت له الكلام دة مش هينفع وقفلت معاه بعدها بعت لمصمم البوستر وقالي أن الأغنية مش هتنزل اتفاجئ انهاردة بنزولها بدون علمي على أساس إيه"

واختتم المطرب الشاب محمد شاهين كلامه متوعدًا حمو بيكا وقال "أنا هعرف أجيب حقي كويس بالقانون".