أمير طعيمة: مش هيفضل غير السيرة الحلوة

عبّر الشاعر أمير طعيمة، عن استيائه الشديد لتدخل الناس في أمور بعضهما البعض.

كتب أمير طعيمة، عبر حسابه الرسمي على “الفيسبوك”: “أحد الحاجات اللي بشوف إن فيها حل لكل مشاكل الجنس البشري إن كل واحد يخليه في حاله، عمرك بتعيشه مرة واحدة يعني الأفضل تستخدم كل ثانية فيه لإسعاد نفسك، سواء تجتهد عشان تبقي أحسن أو تستمتع بالناس اللي بيحبوك بجد وبتحبهم”.

وتابع قائلاً: “ما تشغلش بالك بفلان عمل أيه ووصل لإيه واشغل نفسك بنفسك، أنت فين وعايز تبقي فين، وفي الآخر الدنيا اللي أنت عايشها دي هتعدي في خمس دقايق ومش هيفضل منك غير اللي أنت عملته لنفسك والسيرة الحلوة اللي هتسيبها من بعدك”.

واختتم حديثه قائلاً: "بص لنفسك ولمحيطك وخليه أجمل حاجة، لا إحنا في سباق، ولا سعادة حد ونجاحه بيسحب من رصيدك، روح للحاجة اللي بتحبها واتعب عشانها لأن مفيش حاجة هتجيلك لحد عندك وأنت شاغل بالك بغيرك.. ربنا يهدينا جميعا".

يذكر أن تعاون أمير طعيمة، مؤخراً مع الفنانة أنغام، في أغنيتها الجديدة “أنا بعته كتير”، التي طرحتها عبر القناه الرسمية الخاصة بها على موقع “اليوتيوب”.