مجدي الهواري يدعم أحمد السقا: طول عمرك محترم وميطلعش منك العيبة

وجه المخرج مجدي الهواري عبر حسابه الشخصي على موقع التواصل الاجتماعي "فيس بوك"، رسالة دعم للفنان أحمد السقا، وذلك بعد هجوم الفنانة مها أحمد عليه، وانتقاده هو والفنان أمير كرارة بشكل لاذع.

وكتب مجدي الهواري: "أشهد يا بني والله إنك راجل وكبير بتستحمل وتعدي طول عمرك، صاحب صحبك وعمرك مايفوتك واجب، أصيل ونضيف ومالكش في العك".

وتابع: "طول عمرك محترم وبتفهم في الصح، ميطلعش منك العيبة وخصوصاً لو كان في حق ست، بتعرف تميز وتسكت وتفوت، يجيلك حقك من صحابك، قول من مين !! عد !، العشرة القديمة خط أحمر حتى لو خسرت ميت حق، بس ساعة الجد فاهم أصول شغلك وتحترم الصغير قبل الكبير، ومتربي وأهل بيتك ناس أكابر، ابن بلد وجدع من صغرك وإنت كبير".

وأضاف: "ولو في يوم حد زعلك، أو جِه عليك، بتعدي وتعمل حساب عيش وملح السنين، متسبش حقك بالأصول يامجدع والكل عارف، سايبها علي الله يابني والكل فاهم، يامعلم اللي زيك مفيش دلوقتي منه كتير، فاهمك وحاسس بك ياعم أبو ياسين، معلش فوت كمان المرة ديه».