مشادة كلامية بين المخرج مجدي الهواري وريهام سعيد

نشبت مشادة كلامية بين المخرج مجدي الهواري والإعلامية ريهام سعيد بسبب منشور على مواقع التواصل الاجتماعي.

حيث كتب المخرج مجدي الهواري عبر فيس بوك:" عارفين المثل اللي بيقول ؛ لا يصح إلا الصحيح ! ولا ايه ؟

وعلقت ريهام سعيد على كلام مجدي الهواري قائلة:" بس مش انت إلي تكتب البوست ده لأنه في الآخر زميل و الزملا يقفوا جنب بعض مش يشمتوا في بعض .

ليرد الهواري عليها قائلا:" مين الآخر !! ومين الزميل!! ومين اللي بيشتم !! اعتقد كلامك لحد تاني !! وفي مكان تاني !!

رغم اني مش محتاج ابرر . ولكن !

وتابع :" انا سمعت الخبر من التعليقات . ومش مضطر أبدأ اقول المقصود الحقيقي بالبوست، اعتقد ان حلفاني يكفي، ومش مضطر كمان ابرر، لاني اعتقد اني حر في ما ادونه علي حسابي الشخصي.

تابع: انا مش هخش ابدا في النوع ده من التريندات لاني مش من المدرسة ديه خالص ولا الناس اللي بتعمل كده حتي هتلاقي متابعيني واصدقائي شبهي ومحترمين كده وكمان ولا محتاج شهرة مثلاً وتاريخي يشهد علي احترامي للجميع ومن الجميع".

وأختتم مجدي الهواري بـ:"هتلاقي ناس تانية في اكونتات تانية عايزة لقطة وماشين مع التريند مش هنا ! ولا انا".