عمرو سلامة يكشف عن تجربته مع لقاح فيروس كورونا

كشف المخرج عمرو سلامة عبر حسابه الشخصي على موقع التواصل الاجتماعي "فيس بوك"، عن تجربته مع تلقي لقاح فيروس كورونا.
وكتب عمرو سلامة قائلا: "بعد التطعيم بعقار إسترازينيكا بخمس أيام: حرارة، رعشة، صداع، إرهاق عام، كل ده بشكل شديد جدا لحوالي 3 أيام، بعدها بقيت كويس باستثناء شوية دوخة وإرهاق وضيق تنفس بس بشكل أبسط. كل ده علامات إيجابية بتقول إن الجسم مناعته بتحارب وبتتعلم تقاوم الفيروس الحمد لله".

وأضاف: "في المجمل لو ده ثمن إن الواحد يكون في أمان بشكل كبير وإنه يساعد في القضاء على الكابوس بشكل أسرع فأنا شايف إنه ثمن مش غالي خالص. مع العلم إن كل اللي اعرفهم واتطعموا يا إما جالهم أعراض مشابهة أو أعراض أقل وفي ماجلهمش أعراض خالص خصوصا كبار السن".

وتابع: "برشح لكل الناس تدخل على موقع وزارة الصحة وتسجل، أنا عملت كده واستنيت دوري لحد ما جه، دون واسطة أو تسريع، إخترت بس مكان تطعيم عليه ضغط أقل، والموضوع ماخدش أكثر من ساعة مستني دوري وأول ما دخلت ربع ساعة ومشيت، تحية لكل الدكاترة والأطقم الطبية اللي على الجبهة في الحرب اللعينة دي".