محمد سامي: مبعملش حاجة في حياتي غير إني بكدب على مي عمر

كشف المخرج محمد سامي، خلال برنامج "العرافة" المذاع علي قناة "المحور"، مفاجأة حول علاقته بزوجته الفنانة مي عمر، مؤكد: "مبعملش حاجة في حياتي غير إني بكدب عليها كزوج مش مخرج".

وتابع:"لما بكدب علي مي عمر بتقفش علطول؛ لأنها أكتر واحدة حفظاني في العالم، بكدب وهي عارفة واغير الكدبة أكتر من 3 مرات في نفس الوقت وبعدين بقول الصراحة من باب من خاف سلم".

وعن كيفية تعامله مع زوجته في بلاتوه التصوير، أوضح: "لما بدأت مي كانت تقف قدام الكاميرا تطلع 10% من اللى عندها فكنت بتضايق جدا وانفعل، وفي البروفة كانت بتبقى أحسن وده توتر الخبرة".

وأضاف: "حبي ليها وانها تثبت نفسها عايزها تبقى أحسن ممثلة فكنت ببقى قاس عليها جدا لدرجة انى بطلعها أوحش مما هي بتكون وبوترها، ولما بقت شاطرة وعندها خبرة بقيت لما تغلط انفعالي عليها قل شوية، ولما بقت نجمة بقيت أفرمل نفسي".