النهار
الجمعة 20 نوفمبر 2026 12:55 صـ 8 جمادى آخر 1448 هـ
جريدة النهار المصرية رئيس مجلس الإدارة ورئيس التحريرأسامة شرشر
(مستقبل وطن) يوقع بروتوكول تعاون مع الشباب والرياضة لتطوير 27 مركز شباب على مستوى الجمهورية تحديد موعد ختام دورة pro الأولى وتسليم الشهادات لـ26 مدربًا مصريا إجراء أمني غير معتاد على متن طائرة ترامب .. لماذا جُمعت هواتف الصحفيين؟ 2085 خدمة طبية مجانية لأهالي 15 مايو.. صحة القاهرة تختتم قافلتها العلاجية بمركز الـ120 فدان إتاوة الركنة تفضح منادي سيارات بشبرا الخيمة.. والأمن يضبط المتهم كلوديا حنا تتألق في «ياسمينا رجعت بغداد».. عصفورة سقطت سهوا من «ألف ليلة وليلة» سيارتا إطفاء تحاصران النيران.. حريق منزل قديم ونفوق مواشٍ بقرية الأحراز على مائدة واحدة.. محافظ القليوبية يختتم «يوم المحبة والوفاء» وسط الأطفال الأيتام وكبار السن ترامب: لست في عجلة لاتخاذ قرار بشأن إيران.. وسنرى ما سيحدث بعد بداية العام كيف تحوّل مصر «مرور الترانزيت» إلى ثروة اقتصادية؟ مباحث بنها تفك شفرة سرقات الموتوسيكلات.. ضبط 5 متهمين واسترداد المسروقات شهامة ولاد البلد.. أهالي المخلبطية يقفزون في الترعة لإنقاذ أطفال حضانة بعد انقلاب ميكروباص بهم في أبوتشت بقنا

المرأة والبيت

إسماعيل ياسين في عيد الأم: آه من الأقساط اللي عليا ياما يا إني؟!

إسماعيل ياسين في عيد الأم: آه من الأقساط اللي عليا ياما يا إني؟!
إسماعيل ياسين في عيد الأم: آه من الأقساط اللي عليا ياما يا إني؟!

إننى أشعر بالتوهان، شلاضيم بُقى لا تحتمل، يا خسارة شلاضيمك يا سمعمع، الولية مراتى بقالها كام يوم بتزغرلى وعنيها بتوسع وأنا معرفش ليه؟! وحصل إيه؟! وماذا تنتوى؟! أو ماذا تضمر لى من شرور؟!

كل شوية تزغدنى وتقولى: ياترى ياسُمعة يا حبيبى إيه اللى غيرك وخلاك بالشكل اللى أنت عليه ده.. وهكذا حالها كلما ترى شلاضيمى، وأنا أقول لنفسى إيه الولية المجنونة دى عاوزة مني إيه؟

أتاريها بتخطط قال إيه "عيد الأم" ,,قال إيه ما تيجي نجيب بطانيتين ومعاهم كمان حلتين، لا والنبى إيه، طب شى لله، والنبى يا ستنا يا ساكنا حينا.. بطاطين إيه اللى أنتى جاية تقولى عليها يا ولية يا أم عقل مهلبية، هو مش في جائحة وكورونا ولا دي إشاعة ؟!..

ده إحنا يادوب بنقول عشانا عليك يا رب وربنا يحمينا من العدوي..قوم نروح نجيب بطاطين وحلل.. ليه ده حتى حرام آه ياني منك ياني!


والستات شغالين في التليفونات والفيس والشات حكايات، واللي طالع عليهم هاااات يا خويا هات، وقال إيه كل ما نقول نجيب هذه الهدية تقول أختي سبقتنا بيها من يومين، أمال اشمعني يا أمورة أخواتك عند الهداية الغالية سايبينها ليا؟!


إيه يا سمعمع إيه الحكاية مخليينك للتقيلة ليه؟ هو إيه الحكاية؟! آه يا ني يا أمه من الستات والحكاوي والتربيطات.


ما فيش غير الكلام ونازلين على الفيس والشات تنقير على نفخ الرجالة، قال إيه لازم هديتين ولا ثلاثة ييجوا وإلا فلا.. طب يا أختي فلا وألف فلا.. "وإن شاء الله حتى تفلفلي فلفلة" وعند أمك غرفة الضيوف في انتظارك، وترحب بيك وتقولك يا هلا وألف هلا.. ده أرخص هدية من الثلاثة في السوق معدية.. يعني لو عايز هدية عليها القيمة يبقى لازم يكون معايا قرشين عليهم القيمة.. ألف ينطح ألف.

مش مراعين أي زنقات واي أقساط هدايا إيه وعيد أم إيه أنتم مش متابعين تليفونات ومطالبات الديانة، قال إيه عليك قسط وقسطين وقال إيه لازم تدفع وإلا!؟


طيب يا جماعة دي جائحة ونشيل بعض شوية وحبة عليكم وحبة عليا .. هتبقوا انتم والمدام عليا طيب نسدد قسط وقسط بعدين.. آه يا سمعمع يا غالي شكلهم عاوزين يخلصوا عليك



يا ناس حد يقفل لى بقى علشان اسكت مش عارف اسكت.. ده إحنا عايشين بستر ربنا.. يا ولية حرام.. طب ورحمة بُقى ما هتلاقيني تاني هفلسع وهعيش وحداني أههه ياما ياني.


دى الحكومة لو عرفت إننا بنجيب هدايا للنسوان هتغلى علينا كل حاجة.. مش هنلاقى نتعشى أصلا.. سكت الكلام وخلص مني سيبوني انقشع بدل ما نروح في داهيه ويا داهية تقي وساعيلي بقي.. يلا بقا.. سلامو عليكوووووووووووو.