هضبة غصب عنك.. خالد تاج الدين يفتح النار على زكى فطين عبد الوهاب..تفاصيل

علق الشاعر الغنائي خالد تاج الدين، على ما قاله الفنان زكي فطين عبد الوهاب تجاه النجم عمرو دياب والذي اتهمه بالإفلاس، عبر حسابه على موقع التواصل الاجتماعي "فيس بوك".

وقال تاج الدين: "الأخ ده كمان لقى مفيش أضواء عليه قالك أهاجم الكبير.. أنا مش فاهم بس هو نجاح عمرو دياب المتواصل والمستمر بيضايقك في إيه بس.. أنا هقولك الخلاصة عمرو دياب هضبة غصب عنك وواصل لكل الأجيال".

وتابع: "أنا بنتي الصغيرة 8 سنين واتحايلت عليا علشان تروح تتصور مع عمرو دياب وبتعشق كل أغانيه القديمة قبل الجديدة.. إنما لو سألتها مين زكي فطين ده أراهنك إنها مش هتعرفك.. كفاية عك بقى".

و يذكر ان قام الفنان زكي فطين عبد الوهاب، بمهاجمة الهضبة عمرو دياب، من خلال حسابه الشخصي على موقع التواصل الاجتماعي "الفيسبوك".

قال زكي فطين، :"انا عارف ان فى ناس هتزعل من الكلام اللى هقوله .. لكن بعد الهجوم الشرس على اغانى وموسيقى المهرجانات.. نفسى افهم عمرو دياب الملقب بال "هضبه" .. بمناسبه ايه".

وتابع :"اغانيه والحانه وكلمات اغانيه هى هى من ٢٠ سنه .. ده افلاس فني مابعده افلاس .. اغانى ال "مهرجانات" فيها تجديد وابتكار وتنوع اكتر بكتير غصب عن الملحن الفذ "حلمى بكر" .