الصاوى: لو عاوز تطمن على دولتك لازم تكشف على كل الأجهزة

فى لفتة طريفة منه أوضح الفنان خالد الصاوى كيفية الإطمئنان على مصر بعد الثورة ولكن بطريقة فكاهية وذلك من خلال صفحته على الموقع الإجتماعى الإلكترونى الشهير الفيس بوك حيث كتب لو عاوز تطمن على صحتك بعد الجراحة مش حتقول: بس محدش يجيب سيرة قلبي أو كبدي أو طحالي بنص كلمة، ولو عاوز تطمن على عربيتك بعد الحادثة مش حتقول: كله إلا الشكمان أو الرادياتير مقبلش كلمة في حقهم، وبرضه لو عاوز تطمن على دولتك بعد الثورة لازم تكشف على كل الأجهزة عشان تعرف التسريب ده جي منين بالضبط، عموما جرب براحتك خالص وأديك يا سيدي عرفت عنوان العيادة والورشة والصفحة، وأخوك دايما في الخدمة ومن غير أي حاجة، وربنا يديم المحبة.. قول: آمين.