خالد الصاوى: إنتبهوا جيدا لا يجب أن نسمح بتكرار سيناريو ١٩٥٤

حذر الفنان خالد الصاوى من الشائعات التى تتهم الأحزاب بالخيانة حيث وجه الصاوى رسالة للشعب لتنبيهه من هذه الوقيعة التى إعتاد عليها الشعب المصرى منذ النظام السابق، وكان ذلك من خلال صفحته على الموقع الإلكترونى الإجتماعى الشهير الفيس بوك، حيث كتب الصاوى خلال السنوات اللي كان فيها جنرالات مبارك ورموز إعلامه وسماسرته بيرسخوا وبيحرسوا وبيستفيدوا من النظام الظالم، كانت المجموعات الثورية زي ٦ أبريل والإشتراكيين الثوريين بتناضل بجوار باقي التيارات المعارضة الممنوعة مطالبين جميعا بإسقاط دولة الظلم وإقامة دولة العدل مع إختلاف الرؤى طبعا.ما ينفعش خالص النهارده نبلع أي طعم ونقبل التشويه أو التجني على أي مجموعات ثورية وبالذات لما ييجي الهجوم ده من نفس حراس النظام القديم وبنفس لغته وأساليبه!! انتبهوا، هي دي المقدمة المنطقية للتهجم بعد كده على أحزاب الكرامة والمصريين الأحرار وغيرهم ثم على النور ثم على الحرية والعدالة في النهاية! وبعد كده يجيلنا رئيس تابع للمؤسسة العسكرية وحواليه شوية أحزاب كرتونية بلا أنياب.انتبهوا جيدا، لا يجب أن نسمح بتكرار سيناريو ١٩٥٤ ولا أي سيناريو سابق أصلا. انتبهوا وبلغوا الجميع لكي ينتبهوا. فيه أصلا قصة للأطفال شبه كده وعيب قوي تحصل معانا، القصة بتاعة أكلت يوم أكل الثور الأبيض.