حازم إمام تعليقاً على أزمة حسام غالى: "المنتخب مالوش ضهر يحميه"

علق الإعلامى حازم إمام، نجم الزمالك السابق، على الأزمة المشتعلة بين حسام غالى قائد الأهلى، والجهاز الفنى للمنتخب الوطنى بقيادة الأرجنتينى هيكتور كوبر، قائلاً: "للأسف كلام تافه الناس بتتكلم فيه، وأزمة بدون لازمة، وفى ناس بتقعد تسخن فى الموضوع بشكل فظيع.. ممكن الجماهير تقعد تسخن لأنها جماهير، لكن بلوم على الصحفيين المتعصبين اللى بتكلموا بلون الفانلة".

وأضاف الثعلب الصغير: "الكلام ده ما ينفعش فى المنتخب وأننا نقول زمالك وأهلى، والمشكلة هتكون فى مصر كلها، وعمرها ما حصلت قبل كده فى تاريخ مصر، وماينفعش يبقى الكلام بهذا المنطق فى منتخب مصر.. حصلت مليون مرة مشكلة بين المدرب واللاعب لكن ما ينفعش ناخدها من منطق الاضطهاد.. وشوفوا التاريخ وتأكدوا أن الراجل ده متعمد اضطهاد ولا لا.. والمنتخب مالوش ضهر يحميه زى الأهلى والزمالك اللى ليهم جمهور، فرجاءاً نبقى حريصين على المصلحة العامة لمنتخب بلادنا".