إيناس عز الدين توجه رسالة لأعضاء نقابة الموسيقيين

طالبت الفنانة إيناس عز الدين جميع الأشخاص الذين لهم حق التصويت في انتخابات نقابة المهن الموسيقية أن يتأنوا في الاختيار حتى يعطوا صوتهم للشخص الصحيح ولا يندموا على شيء بعد فوات الأوان. 

وكتبت عبر صفحتها الشخصية على موقع التواصل الاجتماعي "فيس بوك"، «أحب أوجه رسالة للموسيقيين اللي رايحين ينتخبوا نقيب ومجلس إدارة نقابة المهن الموسيقية بعد بكره.. تنتخبوا الناس اللي تليق بمكانة نقابة المهن الموسيقية الناس اللي يكون عندك أمل إنهم يصلحوا حال النقابة ويجيبولك معاش محترم ويبقى ليك كرامة وإنت بتتعالج مش حد أقصى للعلاج كما لو كنت بتشحت وبطلوا بقى مصالح شخصية والرشاوي اللي بتترمي للناس علشان ينتخبوا أسماء معينة».

وأضافت: «خد بالك اللي بيديلك النهاردة 50 جنيها وﻻ 100 جنيه علشان تنتخبه هيطلع عينك السينين اللي جاية في النقابة وإن كنتوا ناسيين افتكروا أيام انتخابات الرئاسة اللي عملوا كده مع الشعب واستغلوا الفقر والجوع عملوا إيه في الشعب بعد كده وطلعوا عينه، انتخبوا اللي يجيبلكم حقكم من النقابة مش اللي يأكلكم يوم ويجوعكم سنة». 

وأوضخت: «أعتقد كل المرشحين معروفين بالنسبالنا كموسيقيين ومعروف مين فيهم الصالح اللي عايز يعدل المايلة ومين اللي عايز الكرسي والمنصب علشان خاطر المصالح الخاصة».

يذكر أن انتخابات نقابة الموسيقيين ستعقد بعد غد الثلاثاء بالمسرح العائم وستبدأ من التاسعة صباحًا وتستمر حتى الخامسة مساءً.