بالفيديو.. مذيع يطالب الميرغني بـ«شكر السيسي».. واللاعب يراوغ

 

طلب مذيع إحدى القنوات الفضائية، من أحمد الميرغني، لاعب وادي دجلة، توجيه الشكر للرئيس عبدالفتاح السيسي، على الهواء، فيما «راوغ» اللاعب في توجيه الشكر، وبعد دقائق من المراوغة استجاب وقال «سأشكره على هذا الموقف فقط» في إشارة لزيارته لسيناء عقب صد القوات المسلحة لهجمات الإرهابيين.

 

وطلب مذيع على قناة «CRT» من اللاعب أحمد الميرغني، كتابة «تعليق بعد مشاهدة فيديوهات جديدة عن زيارة الرئيس السيسي ورد الجيش على الإرهابيين»، فرد «الميرغني» ضاحكا: «أنا هكتب بحب مصر».

 

 

وأضاف «الميرغني»: «أنا كتبت في الورقة (كنت أتمنى إقامة حداد على رجال سيناء الشهداء مثلما حدث مع النائب العام، وأشكر رجال القوات المسلحة على الرد ورجعوا حق الشهداء، وبشكر كل واحد ساهم في عودة حق الرجالة».

 

 

فقاطعه المذيع: «ليه مقولتش اسم الرئيس السيسي، واشكر الرئيس السيسي بقى، أنت ليه مش عايز تذكر اسمه»، فرد «الميرغني»: «طيب استنى أكمل (وبشكر كل واحد ساهم في عودة حق الشهداء)»، فرد المذيع: «أنت لما انتقدت وصفت الرئيس بالفشل، فيه حد هيزعل منك لو شكرت السيسي»، فنفى اللاعب ذلك، فتابع المذيع: «طيب متشكر الراجل لأنه قام بدوره».

 

 

وبالفعل قام أحمد الميرغني بشكر الرئيس السيسي «على الموقف ده بس، لأني معترض على حاجات تانية كتير»، بحسب قوله.

 

 

ونشرت وسائل إعلام، أخبارا تقول إن أحمد الميرغني اعتذر للرئيس السيسي، الأمر الذي نفاه اللاعب، وكتب على صفحته على «فيسبوك»: «بالنسبة للخبر اللي نازل بتاع (الميرغني يعتذر للسيسي بخط يده) فللاسف اللي كاتب الخبر مش كاتب كل الكلام هو كان همه يكتب كده بس وياريت الناس تشوف الفيديو كامل وانا بحاول اجيبه وأول ما اجيبه هعمله شير هنا ان شاء الله».