علي الفيس بوك : فوائد الزواج من ”مشجع زملكاويس”

كتب أحمد مرعيبعد ما حدث في الأسبوع الماضي من فوز للأهلي علي الإسماعيلي 2/1 ، وهزيمة الزمالك من المصري 2/0 وزيادة الفارق بين الزمالك والأهلي إلي 5 نقاط .نشرت مجموعة زنكت وقفشات أون لاينس علي الفيس بوك، موضوعا للبنات يحمل عنوان فوائد إنك تتجوزي واحد زملكاويس جاء فيه سبع فوائد، هي:أولا: ده واحد راضي بقضاء ربنا ومبيعترضش .. يعني تلاقيه بقاله خمسين سنه نفسه الزمالك ياخد الدوري ومبياخدهوش وعادي جدا مبيعترضش.ثانيا: عنده حصانه ضد الضغط والسكر، لأنه لو كان عنده استعداد يجيله ضغط أو سكر كان جاله من زمان.ثالثا: أصيل، يعني بقاله سنين بيشجع الزمالك وعارف انه مش هياخد الدوري، ومع ذلك عمره ما فكر يسيبه فصدقيني مهما عملتي ومهما كانت عيوبك مش هيفرط فيكي.رابعا: متسامح، يعني تلاقي أصحابه الأهلاوية كل شوية يعايروه، وتلاقيه مبيردش عليهم، مش عشان عينه مكسورة لا سمح الله بس عشان قلبه كبير.خامسا: مختلف، يعني مصر كلها بتشجع الأهلي وده طالعلك فيها بيشجع الزمالك وعادي جدا، معندوش أي مشكله وده في حد ذاته تميز واختلاف.سادسا: هيلتمسلك الأعذار، يعني مثلا يبقي عارف إن الزمالك كان أداؤه زى الزفت ومع ذلك ميحبش يلوم عليه أبدا، تلاقيه بيقولك التحكيم، مش عشان حاجه بس هو طبعه كده يحب يلتمس الأعذار لأي حد.سابعا : مبيعرفش اليأس، يعني تلاقيه واخد أصحابه ورايحين يشجعوا الزمالك في الإستاد، ومع إنه كل مرة بيخسر، إلا انه مبييأسش، كل مرة بيروح يشجع علي أمل إنه يكسب.