هالة سرحان لـ «رامز جلال»: مسامحاك يا عبقري

أشادت الإعلامية هالة سرحان، ببرنامج «رامز واكل الجو»، والذي يقدمه الفنان رامز جلال، عبر شاشة MBC مصر يوميًا خلال الشهر الكريم.

وقالت هالة سرحان، عقب وقوعها ضحية للبرنامج في حلقة الأمس، عبر تغريدات متتالية على موقع التواصل الاجتماعى «تويتر» إنها وعلى الرغم من تعرضها للموت وللخطر خلال مقلب طائرة رامز جلال إلا أنها سامحته على ما فعل معها لأن رامز معجون بخفة الدم المصرية.

وكتبت هالة سرحان ساردة مقالب رامز جلال منذ بدايته عبر حسابها الرسمي: «رامز اخترع المقالب، أول مرة عملها معايا في برامجي مرة هدية فيها إيد مقطوعة بدمها، وكان يومها هايجيب لي سكتة قلبية، ومرة بومب بيفرقع، بس كله كوم والنهاردة كوم، صحيح طول عمرك ابن شقي وعفريت، بس مش هاتهمد إلا لما تفطس لك واحد فينا طلعت روحي بس روحي طلعت رياضية قلبي يامصيبتي». 

وأضافت عن مقلب «الطائرة» بعد تعرضها لخلل فنى: «بجد ياجماعة في لحظة الذعر الحقيقي الواحد يقرأ قرآن ويتشاهد ويسلم أمره لله بس باب الطيارة لما اتفتح أنا دمي نشف بأمانة واللي طلع عليه sit down، رامز ضحك عليّ بس بصراحة عنده قدرة على التنكر وسرعة بديهة ماشاء الله، حبك الموضوع في الطيارة سألت مين الراجل ده قالوا مستثمر، استغربت شوية».

تابعت: «مسامحاك يارامز، ماشي أنا كنت عايزة أعاقبك عقاب الأمهات المصرية زي ما مشاهد وصف رد فعلي التلقائي «الشبشب» بس صعبت عليّ أنت الابن الشقي دمك شربات، الحق مع كل شقاوة رامز هو مشاغب يحمل لنا الضحكة والابتسامة ويسرق معنا لحظات فرحة مرحة وعنده قدرة على الابتكار والتنكر والتجديد معجون بخفة دم مصري».