نوارة نجم تسخر من مقتل ”عطيتو”

سخرت نوارة نجم، الناشطة السياسية، من مقتل الطالب إسلام صلاح الدين عطيتو، الذي اتهمته "الداخلية" باغتيال العقيد وائل طاحون، قائلة "عايزين تكذبوا الداخلية"، إسلام طالب الصبح وبعد الظهر إرهابي بيزود دخله".

وكتبت "نوارة" تغريدة على "تويتر" قالت فيها: "عايزين تكدبوا الداخلية؟ الداخلية قالت في وكر وأطلق عليها النار في الصحرا، يبقى هو كده، ورقة الامتحان وزمايله ودكاترته ما يخصوناش".

وأضافت: "وبعدين راح امتحن الصبح خرج من الامتحان على الوكر، هو طالب الصبح وإرهابي بعد الضهر عادي بيزود دخله" "انتوا مش شايفين الظباط اللي بيتقتلوا؟ مش عارفين يعثروا على اللي بيقتلوا الظباط فبيقتلوا أي حد، نستحمل بعضينا"

وسخرت قائلة "بعدين ده طالب جامعة.. يعني عيل قليل الأدب.. انتوا ناسيين أن الطلبة دول بتوع مظاهرات وقلة أدب؟"

وتابعت "لو بصيت على صورة إسلام حتكتشف أنه نحيف زي شيماء الصباغ.. يقعدوا يتعوجوا ع الأكل ولما يموتوا يرموا بلاهم ع الداخلية".