شاهد.. أسامة كمال يخرج عن لياقته بوصلة من الألفاظ الخارجة

 
قال الإعلامي أسامة كمال: إن التفجيرات المتفرقة التي شهدتها مناطق المهندسين، وأحمد عرابي، وشارع السودان وإمبابة، والوراقح هدفها الانتقام من المواطن البسيط، وليس من الدولة أو السلطة؛ لأن التفجيرات حدثت بالقرب من المحلات والمطاعم، وليس بجانب أقسام الشرطة.

وأضاف كمال - خلال تقديم برنامجه "القاهرة 360" على فضائية "القاهرة والناس" -: " كنت باستعجب من اللي بيحصل في العراق ولا باكستان لما يفجروا ناس بتصلي في جامع وأقول إيه هي الرسالة اللي بيحاولوا يوصلوها".

وتابع: "طلع إن مافيش رسالة ولا حتى نشر الرعب والذعر، طلع انتقام "وسخ" من كل المصريين من شوية ناس نفسياتها بايظة وعقولها خربانة، واضح إن الإخوان بيردوا على الكلام اللي اتقال عن توبة 180 إخوانيًا أو لقاء لقيادات إخوانية سابقة بالرئيس السيسي إمبارح أو وساطة سعودية للتصالح مع الإخوان".

وأوضح: "دي عقول خربانة وقلوب زبالة زيهم زي داعش وزيهم زي اللي قتلوا الكلب في الهرم، وزيهم زي صاحب الكلب اللي سلمهلهم بمنتهى الخسة والندالة، بعد ما الكلب دافع عنه، وانقذه من أيديهم، إيه الكم دة من الخسة والندالة، إيه الحجم دة كله من الحقارة، إيه سوء التربية أو عدم التربية اللي بقى في كل مكان دة؟؟".

واستطرد قائلًا: "قتل حيوان عمد في قانون العقوبات جنحة، وحمل السلاح الأبيض جنحة وتهمة البلطجة، وإثارة الرعب فى نفوس المواطنين جنحة، أُمال الجناية والإعدام لمين؟".