شاهد..والد أحد شهداء المجزرة: "ابني واخد طلقتين في صدره"

روى المهندس مدحت حسن، والد "أحمد" أحد ضحايا حادث "الدفاع الجوي"، تفاصيل علمه بخبر وفاه نجله، خلال حواره على فضائية "MBC مصر 2".

وقال "حسن": "حاولت اتصل بيه معرفتش، وبعد الماتش مخلص دخلت على النت أجيب رقم تليفون صحابه أتصل بيه، دخلت على صفحة الفيس بتاعته لقيت صورته وهو ملثم ومربوط على راسه بالشاش ، نزلت زي المجنون أدور عليه، روحت مشرحة زينهم، والمعاملة كانت زي الزفت".

وأضاف: "ابني مقتول بطلقتين في صدره، ورأسه مهشمة، بوظوا الجثة عشان يداروا الوساخة بتاعتهم. الفتح من الذقن حتى أسفل الصرة ويقولوا غازات مسيلة وهما كذابين في كل كلمة بيقولوها".

وعن تفوق نجله في الدراسة، قال: "ابني طالب في كلية هندسة في الدفعة الرابعة من الأوائل واخد امتياز والأول على الدفعة كل سنة، كان كل أمله يسافر ألمانيا يحضر دكتوراه، كلمني قبل الماتش قال لي هتفرج على الماتش يا بابا، هو قمة في الأدب والأخلاق وعمره مغلط في حد وبيخاف ربنا، وأصحابه من أحلى الناس، وحسبي الله ونعم الوكيل في الدولة".