مصادر: «مرسى» أصيب بالإحباط بعد فوز «السيسى».. ويتوعد: القادم أسوأ

كشفت مصادر أمنية عن أن محمد مرسى الرئيس المعزول، يمر بحالة تخبط وإحباط شديدين مع اقتراب حلف الرئيس الجديد القسم، وأنه تابع نتيجة الرئاسة وخطاب عبدالفتاح السيسى، المرشح الفائز، وكان لا يصدق ما يدور حوله ويردد أنه الرئيس الشرعى للبلاد. وقالت المصادر إن مرسى توعد أن القادم أسوأ، وأن هناك مفاجآت كبيرة ستشهدها الأيام المقبلة، مؤكداً أن تنظيم الإخوان لن يسكت على ما يحدث وسيواجهه فى الشارع. وأضافت المصادر أن مرسى قال: «عملتوا ثورة ليه لما كل الوجوه القديمة رجعت تانى على الساحة؟»، واصفاً أحاديث السيسى بأنها «ضحك على الشعب» مضيفاً: «مفيش جديد هيحصل ما دام مفيش مشاركة، وفيه محاولات السيطرة على كل شىء.

هم اللى بيخلقوا الإرهابيين، لما يقتلوا الناس، ومش عايزين رد؟ الآلاف فى المعتقلات ومش هيفرجوا عن حد». وعن خطاب السيسى الأخير، قالت المصادر إن المعزول تابع الخطاب ووصف ما يحدث بالمؤامرة، وقال: «الدول العربية اللى بتساند مصر مش بتساندها لله فى لله.. دول عايزين يخربوا البلد وياخدوا خيرها بعد شوية. والدول الأوروبية مش راضية عن اللى بيحصل، ولا عن رئاسة السيسى للبلد». أضافت المصادر أن مرسى هدد أن الرد سيكون قاسياً خلال الفترة المقبلة، وأن هناك من يعمل من الداخل والخارج لبدء ثورة جديدة، وقال لأحد حراسه: «إحنا فى كل مكان. دا مش تهديد بس دا عشان الحق يرجع مرة تانية، والناس اللى انتوا حابسينها هتخرج من السجون. إحنا متعودين نقعد فى السجون بالسنين، مش فارقة معانا كتير.. بس لما السلطة تتمكن أكتر من البلد، هيتفاوضوا معانا لتهدئة الأحداث فى البلد وساعتها محدش هيعترض».