طلاب الثانوية العامة يتبادلون خطة الغش الالكتروني فى الامتحانات

بدأ طلاب الثانوية العامة يستعدون بتفعيل نشاطهم عبر صفحات الغش المعروفة على موقع تويتر، حيث نشر أحد الطلاب واسمه المستعار (المهنة طالب) رسالة ارشادية "للطلاب الغشاشين" ، لتعريفهم بخطة الغش عبر تويتر و فيس بوك.

جاء في نص الرسالة : ورقة الامتحان بتتصور و تترفع على هاشتاج "غشاشون فدائيون" .. و بيكون في ناس زي حالاتي كدة اعدين مستنيين الورقة تنزل عشان يحلوها و ينزلوا الاجابات على الهاشتاج ده .. كل دورك انك تخلي حد يتابعنا او يتابع غشاشون فدائيون على تويتر وياخد الاجابات و يبعتها لك على الموبايل في رسايل او واتس اب".

وأضاف:" نفترض مثلا و ده احتمال ضعيف جدا ان الورقة ما اتصورتش ولانزلت على الهاشتاج ، حضرتك بما انك كدة كدة كنت هاتعرف تطلع الموبايل يا اما تحاول تصور الورقة و ترفعها انت ، يا اما تنزل الحمام و تبعت الاسئلة مكتوبة على تويتر ..واهم حاجة لو لاقيت الدنيا شادة ماتخاطرش بمستقبلك ..وحل كل اللي تعرفه الاول و بعدين بكر في جوار الغش ..بالتوفيق ان شاء الله".