حرب الهاشتاج تشتعل بين السيسي وصباحى

دشن مؤيدو المرشح الرئاسي حمدين صباحي، على موقع «تويتر»، هاشتاج «#التلات_بتاع_حمدين»، لحث المواطنين على المشاركة في الانتخابات الرئاسية التي شهدت إقبالا ضعيفا في اليوم الأول.

وكتب خالد تليمة، نائب وزير الشباب السابق: «الإجازة مش هتزود نسبة المشاركة، الشباب هي اللى هتحسمها، بكره صوتي لصباحي.. #التلات_بتاع_حمدين». وقال عمرو زكي: «علشان مابنعرفش نرقص.. #التلات_بتاع_حمدين»

وأضاف أحمد منصور: «المقاطعة عمرها ما كانت حل #التلات_بتاع_حمدين»، فيما كتبت هدى ناصف: «ممكن والله نعمل فرق السيسي مطلعش عنده شعبية بالملايين زى الإعلام ما بيقول انزل وادى صوتك لحمدين #التلات_بتاع_حمدين».

فيما دشن عدد من أنصار المرشح الرئاسي عبد الفتاح السيسي، على موقع «تويتر»، هاشتاج «#بكره_أملنا_بنزولك_تحيا_مصر»، لحث المواطنين على المشاركة في الانتخابات الرئاسية التي شهدت إقبالا ضعيفا في اليوم الأول، بحسب مراقبين.

وقال محمد أحمد: «بكرة إجازة يامصري معندكش حجة انزل شارك مصر بتنادى علييييك #بكره_أملنا_بنزولك_تحيا_مصر». وكتبت أمل إبراهيم: «انزل شارك هناك من يتربص بك، ووطنك ومقدرات شعب ومستقبل أبناء وأحفاد انظر حولك.. سوريا وليبيا #بكره_أملنا_بنزولك_تحيا_مصر».

وأضاف أحمد إبراهيم: «السيسي هيحارب بينا قدام العالم انزل مصر في محنة.. #بكره_أملنا_بنزولك_تحيا_مصر».

وسخرت إسراء محمد قائلة: «اللى يعرف حد مقاطع يجيبه من قفاه بالعافية عشان ينتخب.. الثورة هتضيع ياجدعان #بكره_أملنا_بنزولك_تحيا_مصر».