مصرع مهندس علي يد ملثمين بالعين السخنة

لقى مهندس يدعى محمود النجار ، مصرعة على يد اثنين ملثمين بطريق العين السخنة .
القصة كما يرويها صديق الضحية "كنا رايحين مقابلة في العين السخنة, خرجنا من الشركة الساعة 1:30ظهرا من الحي السابع مدينة نصر وفولنا السيارة بنزين من محطة وطنية الموجودة فى أول طريق القطامية ، مضيفاً : بعد أن دخلنا طريق العين السخنة ـ طريق الجيش ـ وصلنا لبوابة الكارتة وبعد نص ساعة سيراً بالسيارة سمعنا صوت صفارة وقفنا على جنب عـشـان نشوف في حاجة ".ويتابع : " نزل يبص و انا بنزل قالي خليك مفيش حاجة قفلت الباب ولقيته جاي يجري وبيركب بسرعة وبيصرخ وعربية قفلت علينا فيرنا بيضا واتنين ملثمين معاهم بندقية وكانوا دخلوا ماسورة البندقية بين الباب و شاسية العربية واحنا مش قادرين نقفل الباب وهما مش عارفين يفتحوا وبيخبطوا على الزجاج بتاع العرببة وبنحاول ندور وسط الخوف ده وبننطق الشهادة وبنحاول ونقفل الباب ومحصلش اي كلام منهم ولا قالولنا اي حاجة سمعت صوت الطلقة فودني الشمال ووشي من الناخية الشمال كله دم و محمود الله يرحمه ساكت".
ويضيف "أول ما الطلقة اضربت جريوا نزلت من السيارة اجري لاحفظ ملامح السيارة وأرقامها ملحقتش لقيت عربية مقطورة الناخية التانية مهدية نزلي التباع بقولة ساعدني الراجل اللي معايا بينزف بنبص علي محمود لقينا الرصاصة كانت فجرت دماغة شاف الدم وسابني ".
ويقول صديق الضحية :" اتصلت بالطوارئ والنجدة علشان حد ينجدنا إلا أنهم ردوا بكل برود ، وعاودت الاتصال اكتر من عشر مرات ولم ينجدنا أحد ".
ويتابع : "وقف شاب بعد نص ساعة تقريبا ظل يتصل هو الآخر بالاسعاف حتى لفظ محمود أنفاسه من إثر الرصاصة التى فجرت دماغه".

ويستكمل : "مر بنا بعد نصف ساعة أخرى تاكسي أبيض ونزل منه اتنين شاهدوا الدم الذى ملأ وجهى وعلى قميصي فقال لنا صاحب التاكسى هما ضربوا عليكم نار ؟ رددت : هما مين ؟! قال : أصلهم سبتونا واخدوا مننا الموبايلات".
ويقول صديقة بعد ساعتين من الحادثة جاءت الشرطة والاسعاف وكان صديقى قد فارق الحياة .