«أبو حفيظة» يسخر من الجلاد وإبراهيم عيسى وخيري رمضان

سخر الإعلامي أكرم حسني، الشهير بـ«سيد أبو حفيظة»، من بعض الإعلاميين المتواجدين على الساحة في الفترة الحالية، قائلا: «محمود سعد على طول معاه مجلة ميكي مينفعش كدة».

وقال «أبو حفيظة»، في حواره مع الإعلامي خيري رمضان، مقدم برنامج «ممكن» على قناة «سي بي سي»، في الساعات الأولى  «مجدي الجلاد رجل محترم جدا وهو الوحيد اللي سمع كلامي، أنا اللي قولتله يربي شنبه، أما إبراهيم عيسى فهو كان من تلاميذي وكان بيحضر المحاضرات وأنا أول واحد لسعته بالحملات»، مضيفا: «بالنسبة ليك يا خيري أنا أولى بالكرسي اللى إنت قاعد عليه ده».

وعن رأيه في الإعلام المصري حاليا، قال ساخرا: «أنا حاليا قاعد في البيت ومادام أنا قاعد في البيت يبقى مفيش إعلام، وبعدين عمرو أديب ولميس الحديدي وإنت كمان يا خيري لسه موصلتوش لمفهوم الإعلام اللي بجد عشان إنتوا متعلمتوش كويس».

وتابع: «الإعلام دوره يبين الحقيقة للناس ولو قارنا البرامج بتاعتكوا بتوم آند جيري، أتفرج على توم آند جيري طبعا عشان بيضحكني.. الوضع العام في الإعلام غير مريح، أنا ببقى مبسوط وأنا بتفرج على عماد الدين أديب وأول ما بشوف برنامجك يا خيرى بقلب على طوول».